HS svimjarin Rutt Agnarsdóttir er í filminum hjá Tórshavnar Kommunu, sum Snarskivan hevur samskipað. Borgarstjórin Heðin Mortensen sigur so um filmin á torshavn.fo: “- Vit geva okkum kanska ikki altíð far um, hvussu nógv er at uppliva í nærumhvørvinum, og hvussu nógv tilboð eru í Tórshavnar kommunu. Økið íður í virksemi, og mong arbeiða dagliga við at gera Tórshavnar kommunu til ein savnandi miðstað við nógvum og spennandi tænastum til ung eins og gomul. Tað haldi eg eisini, vit síggja í filminum.”
Tag: havnar svimjifelag
Havnar Svimjifelag á venjingarlegu í Íslandi
Svimjarar á 1. og 2. liði hjá Havnar Svimjifelag er í hesum døgum á venjingarlegu í Havnarfirði í Íslandi, sum tit kunnu lesa nógv meira um á www.havnarsvimjifelag.com. Tey venja á langgeil, og nøkur av teimum fara síðani at kappast á Íslendsku Meistarastevnuni á langgeil, sum verður í Laugardalslaug hin 12. til 15. apríl 2012 (sí startlista her), meðan restin fer heim at kappast á stevnu í Havn hin 14. til 15. apríl. Svimjararnir skriva dagbók á heimasíðuni hjá HS, sí dag 1, dag 2 og dag 3-4.
(Høllin í Hafnarfirði)
SSF á vitjan hjá Havnar Svimjifelag
Svimjisamband Føroya var í kvøld á vitjan hjá Havnar Svimjifelag í Gundadali, sum síðsta felag í røðini runt landið. Uppmøtingin var heilt góð, og framløgurnar eftirhondini so væl royndar at flestu spurningar vórðu svaraðir áðrenn áhoyrararnir í Havn fingu høvi at spyrja. Sum heild ein fínur fundur, har størsti trupulleiki í Havn tykist vera tær trongu umstøður sum tey hava at venja í.
Jógvan Arge tekur undir við hugskotinum at byggja langhyl í Havn
Formaðurin í Mentamálanevndini í Havn heldur at tað er eitt gott hugskot at fáa bygt ein langhyl í Havn, men hevur skálkin við um tað kann gerast fyri 35 milliónir krónur. Ein trupulleiki er millum annað at tað fer at krevja niðurtøku av ÍSF-húsinum, og hartil var bara terapihylurin fyri fáum árum síðani mettur at kosta fleiri milliónir krónur, sum skal byggjast millum hallirnar. Spurningurin er um verandi umklæðingarrúm kann klára trýstið av enn fleiri vitjandi, og hartil stendur ongastaðni hvussu tað verður við reinsingarútbúnaði, hitaverki og luftskifti. Men endamálið er skilt, at ein betri høll fer at síggjast aftur í frískum og væl nøgdum borgarum, umframt at vit tá betur kunnu bjóða útlendskari svimjielitu til viðkomandi kappingar á heimavølli. Les t.d. jogvanarge.com og Vágaportalin.
Nýggjan svimjihyl í Gundadali í 2013
Av heimasíðu Havnar Svimjifelag
Havnar Svimjifelag hevur í dag, í skrivi til Tórshavnar Býráð, skotið upp, at nýggjur svimjihylur verður settur á fíggjarætlanina fyri 2012. Telvingin um fíggjarætlan er í gongd í løtuni og uppskotið til fíggjarætlan fyri 2012 skal leggjast fyri Fíggjarnevndina í seinasta lagi 1. oktober. Fíggjarætlanin skal vera endaliga samtykt á býráðsfundi áðrenn 1. desember. Vinnur uppskotið hjá Havnar Svimjifelag frama, kunnu havnarfólk og onnur svimja í nýggjum og størri hyli í Gundadali á heysti 2013.
Havnar Svimjifelag givið út faldara í dag
Sum tit sikkurt hava lisið her á Portalinum, so varð ein faldari frá Havnar Svimjifelag í dag borin út til øll húsarhald í Tórshavnar Kommunu, har formaðurin Eyðun Húsgarð millum annað sóknast eftir betri svimjiumstøðum. Teirra uppskot er at fáa bygt ein 50 metra hyl vestan fyri verandi svimjihøll, heldur enn at leingja verandi sum kommunan sjálv hevur í hyggju. Út yvir tað er faldarin fyltur við spennandi upplýsningum, um Skvatl og Spæl, lívbjarging, kappsvimjing, vatnfimleik og rørslusvimjing.
Svensku NVL skriva um rørsluverkætlanina hjá HS
Nordiskt nätverk för vuxnas lärande (NVL) hevur her eina grein um rørslusvimjingina hjá Havnar Svimjifelag, og tey úrslit sum vístu seg við kanning av teimum sum luttóku. Eftir bara 4 mánaðum høvdu fleiri betrað um sína konditión við 10-15 prosentum, og tær báðar Guðrun Eysturlíð og Lis Mortensen ljóða til at hava haft tað bæði avbjóðandi og stuttligt, eisini vegna tey sosialu tiltøk sum rørslusvimjararnir fáa við í keypinum. Vælveran er betri, og sum Sigurð endurgevur bretska forsætismálaráðharran Edward Stanley fyri at hava sagt: “Um tú ikki hevur tíð til rørslu nú, so mást tú brúka tíð uppá sjúku seinni í lívinum”.
Plásstrot í Gundadali rakar Havnar Svimjifelag meint
Lesið hesa áhugaverdu og eftir mínum tykki skemmandi grein fyri Tórshavnar Kommunu á heimasíðuni hjá Havnar Svimjifelag: “Plásstrotið í hylinum í Gundadali er nú beinleiðis atvoldin til, at fremsti svimjari í Havnar Svimjifelag, Magnus Jákupsson, flytir til Danmarkar at venja. Sami trupulleiki var eisini orsøkin, tá týski venjarin hjá felagnum fyrr í summar gjørdi av at leita sær nýggjar leiðir.”
Continue reading Plásstrot í Gundadali rakar Havnar Svimjifelag meint
Ólavsøkusvimjingin 2011
HS sóknast eftir nýggjum høvuðsvenjara
Havnar Svimjifelag lýsir her á hs.fo eftir nýggjum høvuðsvenjara, at byrja skjótast gjørligt. Starvslýsingin er viðfest, sum millum annað bjóðar 2 ára sáttmála við fríum bili, telefon og interneti, og um neyðugt hjálp at finna bústað í Havn. Søkið um hetta hevur áhuga, og sendið endiliga víðari til onnur sum kundu verið áhugaði. Vit fáa brúk fyri góðum kreftum, komandi tíðina 🙂
