Viðfestur er startlistin til HS stevnuna í morgin, leygardag 13. februar 2010. Tað sær út til at at serliga Birita Debes og Magnus Jákupsson fara at hava eina góða stevnu, við styrkismeting sum skjótastu svimjarar í hvør sínum 5 kappingum. Pál Joensen er sjálvsagt eisini skjótastur í teimum 6 kappingunum sum hann luttekur í, og síðani koma Pauli Ø. Mohr við fremstapláss í 4 kappingum, Turið S. Christiansen við fremsta pláss í trimum, Cecilia Eysturdal og Óluva Jacobsen við fremstapláss í tveimum, og harnæst Jóhanna Egholm, Óli Mortensen, Astrið Foldarskarð, Eva Tryggvadóttir og Monika Biskopstø við hvør sínum éinum fremstaplássi. Og so eru tað staffettirnar, har serliga Ægir sær út til at fara at gera eitt gott hál.
Tag: HS stevna 2010
Innbjóðing til HS stevnu 13. februar 2010
Viðfest er innbjóðing til svimjistevnu hjá Havnar Svimjifelag, leygardagin 13. februar 2010. Kappingin er fyri allar bólkar, frá seniorum og niður til bólk 4, og skipað soleiðis at suðuroyingar kunnu náa suður aftur við Smyrli leygarkvøldið kl 20:30. Fyrsti partur er leygarmorgun kl 09:00, við upphiting frá kl 07:30, og annar partur kl 14:00 við upphiting frá kl 13:00. Sum nakað serligt skipa tey fyri tunnusláðing í steðginum millum báðar partarnar, umframt at svimjararnir kunnu keypa sær døgverða á staðnum (karrybollar og rís, fyri 40 krónur). Tilmeldingar skulu sendast til Svend Åga í seinasta lagi fríggjadagin kl 15:00.