Heðin L. Olsen megnaði nú leygardagin at svimja seg til gullnál í 100 metrar frísvimjing, við tíðini 50.82 á SMS X-mas Sprint stevnuni hjá HS í Klaksvík, har gullnálatíðin er 51.14. Einans Pál Joensen og Magnus Jákupsson hava svomið skjótari enn Heðin, Pál føroyskt met 50.04 og Magnus føroyskt juniormet 50.67. Offisielli úrslitalistin er á veg – eg bíði bara eftir eini avgerð í einum ivamáli har.
Tag: HS stevna 2011
Svimjiárið 2011-2012 byrjaði við einum braki
Eg setti meg í gjárkvøldið at hyggja at vinnaratíðum á úttøkustevnunum til landsdyst í 2009, 2010 og 2011, og síggi eina stóra framgongd á kvinnusíðuni, meðan mennirnir líða eitt sindur undir at Magnus er farin niður. Í meðal kravdi tað 607 stig hjá kvinnunum at vinna gull á stevnuni nú, í mun til 559 í fjør, meðan tølini hjá monnum eru ávíkavist 573 í ár og 588 í fjør.
Continue reading Svimjiárið 2011-2012 byrjaði við einum braki
Úttøkan til landsdyst og World Cup
Jon Hestoy kunnger her tey 16 sum í gjár vórðu tikin út til landsdystin ímóti Íslandi hin 8. oktober, og tey 5 sum vórðu tikin út til World Cup í Stokkhólmi hin 15. – 16. oktober. Rímiliga nógvar grindadráps-referensur, gott at Paul Watson er farin ! 🙂
Úrslit frá HS stevnuni 17. – 18. september 2011
Viðfestur er úrslitalistin frá SMS stevnuni í Gundadali nú um vikuskiftið, sum Havnar Svimjifelag skipaði fyri. Saman um tikið vann Suðuroyar Svimjifelag flest heiðursmerki – 16 gull, 7 silvur og 12 bronsu – meðan Ægir vann næstflest 12 gull, 11 silvur og 7 bronsu, og Havnar Svimjifelag triðflest 6 gull, 11 silvur og 8 bronsu. Guðrun Mortensen úr Suðuroyar Svimjifelag setti føroyskt met og juniormet í 50 frí, og Pál Joensen eisini úr Suðuroyar Svimjifelag føroyskt met í 200 firvald. 16 svimjarar vórðu tiknir út til landsdyst ímóti Íslandi í Klaksvík hin 8. oktober, og 5 svimjarar til luttøku á World Cup í Stokkhólmi hin 15. – 16. oktober.
Continue reading Úrslit frá HS stevnuni 17. – 18. september 2011
HS stevnan í Ítrottartíðindunum
Elna Johannesen fortaldi fyri løtu síðani hvørjir svimjarir sleppa við til landsdystin og til World Cup.
Tvey føroysk met og eitt junior met í morgun
Pál Joensen og Guðrun Mortensen úr Suðuroyar Svimjifelag settu í morgun tvey nýggj føroysk met í ávikavist 200 firvald og 50 frí. Guðrun setti samstundis nýtt juniormet í 50 frí. Tíðin hjá Pál var 2:04.45. Gamla metið hjá honum frá SuSvim stevnuni í mars var 2:04.75, sum hann setti við fullskeggi.
Metið hjá Guðrun í morgun var 26.37. Gamla metið hjá henni frá FM/JM í ár var 26.40.
Continue reading Tvey føroysk met og eitt junior met í morgun
Startlisti til HS stevnuna 17. – 18. september 2011
Viðfestur er startlistin til HS stevnuna í morgin og ovurmorgin, sum er úttøkustevnan til landsdyst ímóti Íslandi hin 8. oktober, og til World Cup í Stokkhólmi hin 15. – 16. oktober. Í mun til seinastu stevnu ber hann týðiligt brá av álvaranum nú, við tað at svimjararnir ferð eftir ferð stilla upp í sínum bestu greinum. Ein spennandi løta verður eisini til dømis Pál í 200 firvald í morgin, sum hann longu í august var bara 7 hundraðpartar frá at seta føroyskt met í, akkurát afturkomin úr feriu.
Innbjóðing til HS-stevnu 17. – 18. september 2011
Komandi vikuskifti skipar Havnar Svimjifelag fyri svimjistevnu í Gundadali, ið er úttøkukappingin til landsdystin Føroyar – Ísland í Føroyum hin 8. oktober, og til World Cup í Stokkhólmi hin 15. – 16. oktober. Stevnan er ‘opin kapping’, tað vil siga at allir aldursbólkar kunnu luttaka.
Video: Magnus 51.81 og juniormet í 100 frí
Magnus Jákupsson úr Havnar Svimjifelag setir her nýtt føroyskt juniormet í 100 metra frísvimjing við 51.81, á Oyggjaleikaúttøkustevnuni í Tórshavn hin 10. apríl 2011. Lis Gøthe í Jákupsstovu tók uppá video.
Video: Heðin 23.66 og við til Beograd
Heðin L. Olsen klárar her kravtíð til evropeisku juniormeistarastevnuna, við at svimja 50 frí uppá 23.66 sekund, har kravtíðin hjá hansara árgangi er 23.85. Heðin er hann í hvítari hettu við Merkinum á, á geil 4. Petur Heðin tók uppá video.