Ungarska Evelyn Verraszto svam seg í stórum stíli í søgubøkurnar, tá ið hon í 200 blandað finaluni á evropemeistarastevnuni í Istanbul í dag svam 2:04.64, har heimsmetið hjá henni sjálvari frá World Cup í Moskva í oktober var 2:06.01.
Splitt-tíðirnar hjá henni vóru:
Istanbul: 27.56, 58.78 (31.22), 1:35.92 (37.14), 2:04.64 (28.72)
Moskva: 27.88, 59.96 (32.08), 1:36.81 (36.85), 2:06.01 (29.20)
Tað gekk kanska ikki heilt so gott sum vit høvdu vónað, viðvíkjandi at fáa Paula undir metið hjá Pál í 50 frí, og Kára niður at hótta metið hjá Páli í 100 firvald. Pauli segði seg nú eftirfylgjandi, at hann ikki føldi seg so væl í knallreyðu Jaked draktini, tí at hon er øll plastikk, og at hann tí hevur trupult við at ‘føla vatnið’. Og at hann tí mest sannlíkt fer at svimja í Speedo LZR draktini í morgin. Trupulleikin hjá Kára var meira, at hann bleiv so spenntur beint upp undir kappingina, at hann legði ov hart út, og tí doyði ímóti endanum. Alt skúm fyrstu longdina, og so var ov seint at gera tað gott aftur. Jón Bjarnason heldur um svimjingina hjá Kára, at tað hálva sekundið sum hann svam skjótari ta fyrstu longdina, kostaði minimum 1 sekund ímóti endanum.
EM silvurvinnarin í 1500 í fjør, russin Vitaly Romanovich, svam spakuligari enn Pál í morgun í 400 frí. Spurningurin er, um Romanovich kann hótta Pál í 1500 finaluni komandi leygardag. Romanovich hevur betri tilmeldingartíð enn Pál, men, sum vit vita, vann Pál á Romanovich, seinast teir møttust í Moskva.
Á tv2.dk skriva tey – ella rættari Ritzau – at Mads Glæsner “bara” fekk bronsu í 400 frí. Onkur hjá tv2 má halda, at Pál og Mads líkjast rættiliga nógv 🙂
Um onkur sær TRT 3 í sínum sjónvarpi, so merkir “Avrupa Kısa Kulvar Yüzme Şamp. Elemeler” tað sama sum “European Short Course Swimming Championships. Qualification“, sum í løtuni stendur á skránni her. Tíðspunktið passar við at tað so er beinleiðis frá teimum innleiðandi riðlunum, og vit sóu eisini sjónvarpssendingina á stórskíggjum í høllini.
Tíðindi frá SSF
Hósmorgun 10. desember eru føroysku svimjararnir aftur í eldinum, tá byrjar trettanda evropameistarastevna í svimjing á stuttgeil í Istanbul. Føroyska liðið kom til Istanbul seint mikukvøldið, og tey búgva á einum sera góðum hotelli tætt við flogvøllin. Svimjihøllin er riggað til bara til hesa meistarastevnuna í einari stórari høll. Tað er ikki bara at siga tað at skipa fyri stórum kappingum í Istanbul. Hósmorgunin mugu allar svimjararnir heimanífrá kl. 7.00 um morgunin, tí busstúrurin til svimjihylin kann taka frá einum korteri til hálvan annan tíma. Á EM-liðnum eru: Úr Suðuroyar Svimjifelag: Mona Simonsen og Pál Joensen. Shaila millum Garðarnar var eisini úttikin, men gav avboð í síðstu løtu. Úr Fuglafjarðar Svimjifelag: Pauli Øssurson Mohr og úr Ægi Kári J. á Høvdanum. Venjari er Jón Bjarnason, ferðaleiðari er Rókur í Jákupsstovu og Thurid Kjærbo er fysioterapist.
Puha, nú er gott at sleppa at sita her á hotell-kamarinum við einum kaffimunni, eftir ein laangan seinnapart í Abdi Apekci Arena. Fyrst ein langur fundur, har man skuldi hoyra um og notera allar møguligar smáar detaljur, meðan man støðugt minnti seg á tað sum IKKI mátti gloymast: At frámelda Shailu og geva fyriskiparunum mína váttan uppá hvørjar superdraktir sum okkara svimjarar brúka. Og so at sita í tímavís og hyggja at stressaðum turkarum, sum vist nokk stríddust við at gera akkreditatiónirnar klárar, men sum mest tyktust at bara halda okkum hen.
Tað var ein smeitur, við tað at eg havi onkra góðan videostubba í HD góðsku at leggja á netið. Men her er opinbart okkurt politiskt hent, sum ger at internetið í Turkalandi hevur valt ikki at vilja vísa YouTube.
Ikki eiti á, at eiga egið flogfar í hasari støddini. Teir vunnu forrestin 2-1 á Besiktas.
Eg veit tíverri ikki so nógv um sjálvan hylin, enn at Jón líka nevndi at Pál og Kári svomu “frykteliga skjótt”, nú í morgun tá ið vit vóru har yviri. Var sjálvur í einum telti uttanfyri, har eg bíðaði eftir ‘akkreditatiónirnar’, sum eg so allíkavæl ikki kundi fáa tí at 1) onkur skuldi (rutinu) eftirkanna um vit hava goldið fyri kappingina, men var har ikki tí at tey vóru ov fá til uppgávuna, og 2) tí at eg ikki hevði passini hjá øllum við. So tað verður seinnapartin, áðrenn ella aftaná tekniska fundin.
