Hetta er púra garvilt – Katinka Hosszu luttók herfyri heldur sjáldsamt fyri seg í 1500 metra frísvimjing … tí hon vildi taka (og tók) tað éina ungarska metið á stuttgeil sum hon ikki átti.
Og tá eru ungarar ein sterk og stolt svimjitjóð.
Katinka Hosszu Now Owns All of the Hungarian SC National Records
Sunnudagin setti ungarska Katinka Hosszu fyrst nýtt heimsmet í 100 metra blandaðari svimjing, tá ið hon í innleiðandi riðlunum á World Cup stevnuni í Berlin svam 57.45, har hennara heimsmet frá Eindhoven fyrr í vikuni var 57.50. Síðani setti hon í finaluni í 400 metra blandaðari svimjing nýtt heimsmet við tíðini 4:20.85, har heimsmetið hjá amerikansku Julia Smit frá 2009 var 4:21.04. Og so svam spanska Mireia Belmonte 400 frí uppá 3:54.52, har heimsmetið hjá fronsku Camille Muffat var 3:54.85. Hosszu setti sostatt 6 heimsmet uppá 5 dagar, og eigur nú øll heimsmetini á stuttgeil í blandaðari svimjing, meðan Belmonte setti 2 uppá 2 dagar, og eigur tey í 400 og 800 frí.
Ungarska Katinka Hosszu koyrir á har suðuri á World Cup stevnuni í Eindhoven – Eftir at hava sett hemsmet í 200 blandað bæði í innleiðandi riðlunum og síðani við einum heilum sekundi í finaluni í gjár, setti hon í morgun aftur heimsmet í 100 metra blandaðari svimjing á stuttgeil. Nýggja metið er 57.73, éin hundraðpart skjótari enn nú farna heimsmetið hjá niðurlendsku Hinkelien Schreuder frá World Cup stevnuni í Berlin í november 2009. Finalan er í kvøld.
Ungarska Katinka Hosszú setti fyri løtu síðani nýtt heimsmet í 200 metra blandaðari svimjing á stuttgeil, tá ið hon í innleiðandi riðlunum (!) á World Cup stevnuni í Eindhoven svam teinin uppá 2:04.59. Amerikanska Julia Smit átti heimsmetið á 2:04.60 frá ‘Duel in the Pool’ stevnuni millum USA og Evropa í Manchester í 2009. Sí úrslitalistan her.
#BCN2013 might be over but #swimming #WorldRecord are still falling! Hosszu (HUN) just set new 200m IM WR in 2:04.39 at #swc2013 Eindhoven
— FINA (@fina1908) August 7, 2013
Her er video frá tá ið hon setti heimsmet í morgun
