Tag: Krista Mørkøre

HeimsMeistarastevnan í svimjing verður í Glasgow í Skotlandi nú 13. til 19. juli 2015, við luttøku av eisini einum føroyingi. Krista Mørkøre frá ÍSB fer at luttaka í fimm greinum, og til ber at fylgja við beinleiðis við stroyming her á YouTube.

Continue reading Krista til HM fyri brekað 2015

Krista Mørkøre luttekur í hesum døgum á stóru svimjistevnuni IDM Berlin 2015, millum einar 568 svimjarar úr 42 londum. Har er okkurt keðiligt hent við tilmeldingini so at hon ikki fær svomið í teimum riðlum sum hon eigur, men tó so svam hon í morgun 32.33 í 50 frí sum var persónligt met við 13 hundraðpørtum.

Krista Mørkøre svam seg í kvøld til eitt silvurheiðursmerki á Danish Open fyri brekað 2015, sum er í Esbjerg hetta vikuskiftið, tá ið hon í 200 metra frísvimjing svam teinin uppá 2:37.85, sum er persónligt met. Sí úrslitalistan her.

Continue reading Krista 2:35.97, silvur og persónligt met á Danish Open 2015

Krista Mørkøre megnaði í morgun at vinna sær eitt silvurheiðursmerki afturat á Danish Open stevnuni fyri svimjarar við handicap, sum hevur verið í Esbjerg um vikuskiftið. Hetta tá ið hon í 100 metra firvaldasvimjing svam teinin uppá 1:32.66. Alt í alt vann Krista 1 gull, 2 silvur og 2 bronsu á hesi stevnu, og setti 7 persónlig met.

Update kl 23:30: Krista vann heiðursmerki í sínum bólki, og varð so nr 4 í finaluni har tey brúka eina stigaskipan til at samanbera úrslit í ymisku bólkunum. Og tíðirnar eru góðar – hon hevur svomið bestu tíðir í mestsum øllum greinum.

Krista Mørkøre hevur havt úr at gera á Danish Open í Esbjerg í dag, har hon luttók í øllum greinum uttan 100 rygg í innleiðandi riðlum, og síðani í øllum førum í einari finalu um kvøldið.

Eg dugi ikki heilt nóg væl skipanina sum nýtt verður í handicap-svimjing, til at vita um hon vann heiðursmerki; men hon varð so í øllum førum nr 2 í 50 bringu í innleiðandi riðlunum, nr 5 í 100 frí, sum tann einasta luttakandi nr 1 í 50 firvald og nr 3 í 400 frí.

Men so um kvøldið finni eg hana ‘bara’ í (opnu) finaluni í 50 firvald, sum sær út til at vera onkur samanseting úr øllum bólkum. Har megnaði hon at verða nr 4, við 36.64 og triðbestu tíð av teimum 8 luttakandi.

Tað gekk bara heilt væl hjá Kristu Mørkøre nú longu fyrsta dagin á Danish Open fyri svimjarar við handicap, sum er í Esbjerg nú um vikuskiftið. Krista vann nevniliga bronsu í 200 metra frísvimjing, og sum skilst eru tey serliga glað fyri at tíðin 2:36.31 var persónlig betring á heili 12 sekund. Sí úrslitalistan her.

Krista Mørkøre hevur í dag roynt seg á Norðurlendsku Meistarastevnuni fyri brekað, sum er í Eriksdalsbadet í Stokkhólmi hetta vikuskiftið, og megnaði hon har at vinna sær bronsuheiðursmerki í 400 metra frísvimjing, har hon tók heili 10 sekund av síni bestu tíð, umframt at seta persónlig met eisini í 50 firvald. Tað er eitt sindur trupult at fáa skil á úrslitalistanum, tí tey brúka onkra poengskipan afturat tíðunum, og lista eisini úrslitini frá NM, NM 14 og Stockholm International Para Games alt á sama lista. Men generelt liggur hon nr 2 í meðal av teimum sum bera sama brek sum hon, og 4-5 av øllum óansæð brek, so tað er avgjørt gott nú hon fyrstu ferð kappast í ‘opna’ (vaksna) bólkinum. Tey kappast víðari í morgin, úrslitini síggjast her á livetiming.se.

(Krista á IDM 2013 í Berlin. Torkil Mørkøre eigur myndina)

Sum tit kunnu lesa her á isb.fo, so skal Krista Mørkøre hetta vikuskiftið royna seg á Norðurlendskari Meistarastevnuni fyri brekað, sum verður í Eriksdalsbadet í Stokkhólmi. Live Timing sæst her, har vit síggja at hon er styrkismett sum nr 3 í sínum bólki í 400 frí, nr 5 í 100 frí, nr 2 í 50 bringu, nr 3 í 50 firvald og nr 4 í 50 frí. Hetta er fyrstu ferð at Krista skal royna seg í opna bólkinum. Til ber at síggja kappingina beinleiðis á LiveTiming SuperLive.