Tag: Magnus Jákupsson

Magnus 24.69 og nýtt føroyskt met í 50 firvald

Magnus Jákupsson setti fyri løtu síðani nýtt føroyskt met og juniormet í 50 metra firvaldasvimjing, í hálvfinaluni á EJM 2012 í Antwerpen. Nýggja metið er 24.69, har metið hjá honum frá innleiðandi riðlunum í morgun var 24.79, og metið áðrenn tað hansara 24.96 frá EJM 2011. Tíverri rakk tað akkurát ikki til finaluna; hann varð nummar 9 av teimum 16 har 8 sleppa víðari í finalu, og munurin til áttandapláss var bara 2 hundraðpartar. Sí úrslitalista her.

(Magnus er í hvítari hettu á geil 6, triðnærmast okkum)

Magnus 57.91 og føroyskt met í 100 rygg

Magnus Jákupsson setti fyri løtu síðani eisini føroyskt met og juniormet í 100 metra ryggsvimjing, tá ið hann í innleiðandi riðlunum á EJM í Antwerpen svam teinin uppá 57.91 sekund, har metið hjá honum frá Mare Nostrum í Monaco 2012 var 58.12. Tíverri bara stutt frá hálvfinalu; men tvey føroysk met og tvey juniormet í tveimum kappingum, tað er nú ikki so galið 🙂 Sí úrslitalista her.

Magnus 24.79 og føroyskt met í 50 firvald

Magnus Jákupsson setti í morgun nýtt føroyskt met og juniormet í 50 metra firvaldasvimjing, í innleiðandi riðlunum á EJM í Antwerpen, við tíðini 24.79 har metið hjá honum frá EJM 2011 var 24.96. Magnus varð nr 8 av 51 luttakarum, og hann er tí eisini væl og virðiliga víðari til hálvfinaluna seinnapartin, har 16 sleppa við.

(Magnus í hvítari hettu á geil 6, triðnærmast okkum)

Heðin L. Olsen luttók eisini í kappingini, hann gjørdist nr 48 við tíðini 26.98, eitt sindur frá bestu tíð hansara á 26.41 frá EM í Debrecen. Sí úrslitalistan her.

(Heðin í hvítari hettu á geil 8, nærmast okkum)

Fylgið við her á Facebook, har hendir mangt og hvat 🙂

Magnus 2:07.29 og nýtt føroyskt met í 200 rygg

Magnus Jákupsson setti í morgun nýtt føroyskt met og juniormet í 200 metra ryggsvimjing, tá ið hann á Mare Nostrum stevnuni í Monaco svam teinin uppá 2:07.29, har metið hjá honum frá EJM í Beograd í fjør var 2:08.88. Harvið kvalifiseraði hann seg eisini til finaluna seinnapartin, sí úrslitalistan her.

Magnus Jákupsson (FAR) 55.94 in the 100 SC IM

Magnus 58.12 og nýtt føroyskt met í 100 rygg

Magnus Jákupsson hevur í morgun sett stórt nýtt føroyskt met og juniormet í 100 metra ryggsvimjing, tá ið hann á stóru Mare Nostrum svimjistevnuni í Monaco svam teinin uppá 58.12, har metið hjá honum frá EJM í Beograd í fjør var 58.51. Hendan tíðin rakk til eitt 10. pláss á stevnuni, og um eg skilji tað rætt eina B-finalu seinnapartin. Sí úrslitalista her.

Magnus Jákupsson á Danish Open

(Magnus Jákupsson á Danish Open 2012, René Thomsen eigur myndina)

Magnus luttekur í 50, 100 og 200 metra ryggsvimjing í Monaco. Nú í morgun luttók hann eisini í innleiðandi riðlunum í 50 metra ryggsvimjing, har hann gjørdist nummar 7 við tíðini 27.44, og eftir øllum at døma kvalifiseraði seg til finalurnar seinnapartin. Tey brúka onkra skipan við 1/8-finalum, 1/4 finalum og so framvegis, so her handlaði tað nokk mest um at spara kreftir. Sí skránna her.

Magnus 54.45 og føroyskt met í 100 rygg á stuttgeil

Magnus Jákupsson megnaði eisini seinnapartin í gjár at seta føroyskt met og juniormet, tá hann í kappingini 100 metra ryggsvimjing svam teinin uppá 54.45 sekund, á donsku meistarastevnuni fyri lið. Harvið ein stórur biti tikin av føroyska metinum hjá honum frá NJM 2011, sum var 55.01. Sí úrslitalista her.

Magnus

Video av finalunum frá hósdegnum

Dr.dk hevur lagt út allar finalurnar og hálvfinalurnar, sum vóru hóskvøldið 22. mars. Talan er um kappingarnar 50 rygg hálvfinalur (Magnus Jákupsson), 100 frí, 100 bringu, 400 frí (Pál vinnur gull, setur føroyskt met og OL-kravtíð), 200 blandað og 50 rygg finala (Magnus Jákupsson vinnur silvur, setur føroyskt met og juniormet). Sí kappingarnar her.

Magnus 55.46 og føroyskt met í 100 firvald á Danish Open

Magnus Jákupsson megnaði aftur í dag at seta føroyskt met og juniormet í 100 firvald, tá ið hann í finaluni á Danish Open 2012 svam teinin uppá 55.46, har hann í hálvfinaluni í gjár svam 55.47. Altso met við éinum hundraðparti av einum sekundi, men met er met 🙂

Magnus Jákupsson á Danish Open

(Magnus Jákupsson á Danish Open 2012, René Thomsen eigur myndina)

Magnus megnaði við hesum at seta 3 føroysk met og 3 føroysk juniormet á hesi stevnu, tá ið hann fyrst setti met í 50 metra ryggsvimjing við 26.64, síðani í 100 metra firvaldasvimjing við 55.47, og so aftur í 100 metra firvaldasvimjing við 55.46.

Sí úrslistalista her.

Magnus 2:09.47 og 3. skjótastur í 200 rygg innleiðandi á Danish Open

Magnus Jákupsson luttók í morgun í 200 metra ryggsvimjing á Danish Open 2012, og gjørdist har við tíðini 2:09.47 triðskjótastur av teimum 22 luttakandi, eitt lítið vet frá sínum føroyska meti á 2:08.88 frá EJM í Beograd í fjør. Sambært úrslitalistanum hevur hann meldað frá finaluni, men skal so enn sambært ætlanini svimja finalu í 100 metra firvald.