Tag: Magnus Jákupsson

Magnus 55.47 og føroyskt met í 100 firvald á Danish Open

Magnus Jákupsson svam beint nú hálvfinalu í 100 metra firvaldasvimjing fyri menn á Danish Open 2012, og megnaði har at svimja seg víðari til finalu í morgin, við nýggjum føroyski meti og juniormeti 55.47. Hann átti sjálvur metini, á 56.20 frá evropeisku juniormeistarastevnuni í Beograd í fjør.

Lítla løtu seinni luttók hann í finaluni í 100 rygg, kanska í so stutt pausa, við tað at tíðin gjørdist 59.48 nú í mun til 58.63 í hálvfinaluni í gjár. Men imponerandi svomið allíkavæl og ‘fult hús’ tá ið tað kemur til at sleppa í finalur, líka við undantaki av kolldømingini í 200 blandað.

Magnus víðari til hálvfinalu í 100 firvald

Magnus Jákupsson megnaði í morgun at kvalifisera seg til hálvfinalu í 100 firvald, seinnapartin, við sættbestu tíð 56.31, har føroyska metið hjá Magnusi er 56.20. Hetta var eitt nokk so fitt lop upp eftir styrkismetingarlistanum, í mun til hansara 12. pláss á startlistanum. Og til nú heldur stimin altso, at føroyingarnir konsekvent kvalifisera seg til finalur, í teimum greinum teir kappast í. Sí úrslitalista her.

Magnus 26.64, silvur og føroyskt met í 50 rygg

Tað gekk eisini væl hjá Magnusi Jákupssyni í dag á Danish Open – eftir at hava verið næstskjótastur í 50 rygg innleiðandi og 50 rygg hálvfinalu, so kláraði hann eisini finaluni at taka hetta plássið, við flottum føroyskum meti og juniormeti 26.64. Hann átti sjálvur tað nú fyrrverandi metið á 26.76, frá EJM í Beograd í fjør. Sí úrslitalista her.

DSC_4614

(Magnus, Andreas og Pontus á skamlinum í Bellahøj. Jákup Jacobsen eigur myndina)

Her er video av teimum 50, tað er Jákup Jacobsen sum filmar og kommenterar.

Magnus 2 juniorgull afturat í morgun

Magnus Jákupsson svam seg í morgun til 2 juniorgull afturat á Østdanske Langbane Mesterskaber, tá ið hann í 200 rygg svam teinin uppá 2:10.76, og nakað seinni 100 firvald uppá 57.01. Í báðum førum skjótari enn eisini allir seniorarnir, sum til dømis Jacob Andkjær í 100 firvald, danskur bronsuvinnari í 50 firvald frá HM í Melbourne 2007. Magnus valdi av einhvørjari orsøk tó ikki at svimja í seniorfinalunum seinnapartin, og varð tað tí ‘bara’ til juniorgull her, afturat øllum hinum fríggjakvøldið og leygardagin. Tilsamans 5 juniorgull, 1 seniorgull, 1 seniorsilvur og 1 seniorbronsu.

Tvær norðurlenskar bronsur og eina silvur aftrat í dag

Magnus Jákupsson, Heðin L Olsen og Cecilia Eysturdal fingu heiðursmerki í norðurlendsku kappingini fyri juniorar í dag. Magnus vann silvur og setti nýtt føroyskt met og juniormet í 200 rygg við tíðini 1:59.98. Gamla metið hjá honum frá DMK í november var 2:00.71.

Magnus silvur á NJM 2011

Heðin L. Olsen úr Ægir vann bronsu í 50 frí við tíðini 23.47.

Heðin bronsu á NJM 2011

Cecilia W. Eysturdal úr Ægir vann bronsu í 400 frí og setti nýtt føroyskt juniormet við tíðini 4:22.01. Gamla metið hjá henni frá FM var 4:22.88.

(Myndir © Jákup Jacobsen 2011)

Magnus 55.03 og føroyskt met í 100 rygg

Magnus Jákupsson megnaði í 4×100 blandað stafettini hjá VAT í kvøld at svimja fyrstu 100 metrararnar rygg uppá 55.03 sekund, sum er nøjagtiga tríggir tíggjundapartar skjótari enn hansara føroyska met og juniormet á 55.33 frá Sain-Dizier nú 20. november. Imponerandi svomið, og seniorgull á donsku meistarastevnuni til unga havnarmannin, sum fyrsta álit í teirra síðstu stafett.

Magnus hevur við hesum sett 2 føroysk met og 5 juniormet á hesi stevnu, umframt tey 3 føroysku metini og juniormetini sum hann setti í Fraklandi farna vikuskifti. Hann hevur vunnið í øllum førum 1 seniorgull, 1 juniorgull, 6 juniorsilvur og 2 juniorbronsu, umframt 2 bronsuheiðursmerki har suðuri í Saint-Dizier. NJM verður spennandi, nú um góðar 2 vikur.

Magnus Jákupsson 2:00.71, føroyskt met og danskur juniormeistari í 200 rygg

Magnus Jákupsson megnaði júst nú at vinna donsku juniormeistarastevnuna í 200 metra ryggsvimjing, við nýggjum føroyskum meti og juniormeti 2:00.71. Ein rættiliga greið betring av føroyska metinum hjá honum á 2:01:08 frá FM/JM 2011, ið legst afturat hansara nýggju føroysku met í 50 og 100 rygg og 50 firvald frá Saint Dizier farna vikuskifti, og hansara nýggju juniormet í 100 og 200 blandað og 100 frí frá donsku meistarastevnuni nú. Tíðin hjá Magnusi var fimtbesta av øllum luttakandi íroknað seniorar, men hann hevur av einhvørjari orsøk tó avgjørt at melda frá finaluni í kvøld.

Magnus

Løtu seinni vann hann eitt juniorsilvur afturat, hesuferð í 100 firvald, við tíð bara 6 hundraðpartar frá føroyska metinum hjá sær, 54.66 har metið frá FM/JM 2011 er 54.60. Hetta var triðbesta tíð av øllum íroknað seniorar, men aftur her hevur hann valt at melda frá finaluni í kvøld.

Magnus 50.82 og juniormet í 100 frí

Magnus Jákupsson megnaði í morgun at vinna juniorbronsu í 100 metra frísvimjing á donsku meistarastevnuni á stuttgeil, við nýggjum føroyskum juniormeti 50.82, har metið hjá honum frá FM í vár var 51.13. Talan var um rættiliga tætta kapping millum tríggjar teir fremstu, har Daniel Steen Andersen vann við 50.53, og næsti Morten Bak Hansen svam 50.55, meðan fjórði Thomas Steenberg svam 51.70.

Magnus hevur til nú sett 3 nýggj føroyskt juniormet á hesi meistarastevnu, fyrst í 100 blandað við 57.75, síðani í 200 blandað við 2:05.26, og so nú í 100 frí við 50.82. Í juniorkappingini hevur hann vunnið silvur í 50 og 100 rygg, 50 firvald og frí og 200 blandað, umframt bronsu í 100 frí og 100 blandað. Ikki so galin skurður fyri kapping uttan niðurtrapping.

Magnus 25.10 og nr 4 í 50 firvald

Magnus Jákupsson svam í finaluni á donsku meistarastevnuni í kvøld nágreiniliga líka skjótt sum í innleiðandi riðlunum í morgun, 25.10 har metið hjá honum er 24.70. Tað var nóg mikið til at verða nr 4, beint uttanfyri heiðursmerkini her millum seniorar. Í 200 blandað svam hann nakað seinni enn í morgun, 2:07.58 og nr 7 í kappingini í mun til 2:05.26 í morgun.