Magnus Jákupsson svam í morgun 50 metra frísvimjing uppá 23.88 sekund, sum er nýtt føroyskt met og juniormet í mun til teir 23.90 sum hann svam á EJM 2011. Og í kvøld trýsti hann so metini enn meira niður í finaluni, tá ið hann danskt juniorsilvur við tíðina 23.48 sekund.
Tag: Magnus Jákupsson
Magnus 2:06.92 og stórt nýtt føroyskt met í 200 blandað
Magnus Jákupsson hevur í morgun simpult hen útraderað føroyska metið og juniormetið í 200 metra blandaðari svimjing, tá ið hann á donsku meistarastevnuni í morgun svam teinin uppá 2:06.92, har metið hjá Páli Joensen frá RIG 2009 var 2:12.79, og kravtíðin til at seta juniormet 2:19.14. Magnus var skjótastur av teimum 43 sum luttóku í innleiðandi riðlunum í morgun, umfatandi millum annað Chris Christensen og OL-luttakararnar Daniel Skaaning, Mads Glæsner og Anders Lie. Finalan er seinnapartin. Sí úrslitalistan her.
![DSC_5135[1]](https://i0.wp.com/farm8.staticflickr.com/7135/7561647438_69e811ec16.jpg?resize=331%2C500)
Magnus svam ájavnt við síni met í 50 firvald í dag
Magnus Jákupsson vann í dag junior-gull og senior-silvur á donsku meistarastevnuni á langgeil, við tíðini 24.69 ið er nágreiniliga sama tíð sum hansara føroyska met og juniormet frá EJM 2012 í síðstu viku. Sí úrslitalista her.
Magnus 51:91 og føroyskt met í 100 frí á DM 2012
Magnus Jákupsson svam seg eisini til nýtt føroyskt met og juniormet í 100 metra frísvimjing, tá ið hann sum fyrsti maður í 4×100 frí liðsvimjingini hjá VAT svam sín part uppá 51.91, har føroyska metið og juniormetið hjá Heðini L. Olsen frá EM 2012 í apríl var 53.37. So statt hava føroyingar sett 17 føroysk met og 23 juniormet uppá 7 dagar, á EJM, NMU og nú DM. Sí úrslitalista her.
Magnus 26.53 í 50 rygg, føroyskt met og í hálvfinalu
Rætting, settið av metum í 100 firvald fyrr í morgun var ikki hitt sætta men sjeynda hjá Magnusi Jákupssyni, tí fyrr í morgun kvalifiseraði Magnus seg eisini til hálvfinaluna í 50 metra ryggsvimjing, við tíðini 26.53 har føroyska metið og juniormetið hjá Magnusi var 26.64 frá Danish Open í vár. Altso sjey føroysk met og sjey juniormet hjá Magnusi, tær sjey ferðir hann hevur svomið á EJM 🙂 Sí úrslitalista her.
Magnus 54.12 í 100 firvald, stórt føroyskt met og í hálvfinalu við næstbestu tíð
Magnus Jákupsson í morgun sett sítt sætta sett av metum, tá ið hann á EJM í Antwerpen kvalifiseraði seg til hálvfinaluna í 100 metra firvaldasvimjing, við tíðini 54.12 har føroyska metið og juniormetið hjá honum var 55.46 frá Danish Open í vár. Magnus hevði næstbestu tíð av øllum í innleiðandi, aftanfyri Italska Francesco Giordano sum svam 54.00. Sí úrslitalista her.
Magnus 2:04.12 og føroyskt met í 200 rygg
Man kann ikki siga annað enn at stimin er góður hjá Magnusi Jákupssyni; nú seinnapartin svam hann fyri fimtu ferð á EJM í Antwerpen, og setti hann tá fyri fimtu ferð bæði føroyskt met og juniormet. Hesu ferð í hálvfinaluni í 200 metra ryggsvimjing, við tíðini 2:04.12 har metið hjá honum frá í morgun var 2:04.43, og áðrenn tað 2:07.29 frá Mare Nostrum í Monaco í 2012. Sí úrslitalistan her.
Magnus klárað kravtíð til HM í Barcelona 2013
Sum kunngjørt á heimasíðuni hjá stevnuni, so er EJM nú í Antwerpen ein hin fyrsti møguleikin at kvalifisera seg til næstkomandi heimsmeistarastevnu, sum verður í Barcelona í 2013. Kravtíðirnar síggjast her á heimasíðuni hjá altjóða svimjisambandinum FINA; tær eru harðar men vit kunnu tó staðfesta at Magnus Jákupsson longu hevur klárað onkra, við sínum 24.69 í 50 firvald, fyrradagin, har kravtíðin hjá FINA er 24.80.
Continue reading Magnus klárað kravtíð til HM í Barcelona 2013
Magnus 2:04.43, føroyskt met og hálvfinalu í 200 rygg
Magnus Jákupsson hevur fyri løtu síðani sett nýtt føroyskt met og juniormet í 200 metra ryggsvimjing, í innleiðandi riðlunum á EJM í Antwerpen. Talan var um stóra betring, gamla metið hjá honum var 2:07.29 frá Mare Nostrum í 2010, nú er tað 2:04.43. Magnus kvalifiseraði seg við hesum eisini í hálvfinaluna seinnapartin, við 14. bestu tíð har besti svimjari svam 2:02.17 og spakuligasti av teimum 16 kvalifiseraðu 2:05.21. Sí úrslitalista her.
Magnus hevur til nú sett 4 føroysk met og 4 juniormet á hesi stevnu: 2 ferðir føroyskt met og juniormet í 50 firvald, eitt sett eisini í 100 rygg, og so nú í morgun í 200 rygg. Cecilia hevur hartil sett juniormet í 400 og 200 frí, so tað stendur ikki so galið til har suðuri 🙂
Magnus um 100 rygg og hálvfinaluna í 50 rygg
Ein video frá fyrradegnum, Magnus Jákupsson tosar um 100 rygg har hann gleið í startinum og um hálvfinaluna í 50 rygg, og um at venja í Danmark.