Tað er nú um ein tíma ella so, at tey byrja at svimja innleiðandi riðlar í Manchester. Í morgun eru tað Kári og Pál sum skulu svimja ávikavist 100 rygg og 200 frí fyri Føroyar. Eurosport sendir ‘Live’ frá bæði innleiðandi nú og frá finalunum í kvøld kl 19. Sí skránna hjá Reidari á susvim.com.
Photo © Bjarnason 2008 Continue reading So byrjar HM
Og fyri tey í Suðuroynni, sum hava áhugað í svimjing, er bara at leita sær í Stóra Pakkhús fyrrapartin í morgin, tí HM kappingin verður víst á stórskíggja í Stóra Pakkhúsi í Vági, har tað eisini ber til at fáa sær ein kaffimunn afturvið.
http://www.sudurras.com/pages/posts/fylgja-viF0-pE1l-E1-stF3rskEDggja-ED-stF3ra-pakkhFAsi-fyrrpartin-ED-morgin1911.php
Offisiellu startlistarnir síggjast nú her á omegatiming.com, har vit t.d. síggja at eg má hava yvirsæð onkran í gjár, við tað at Pál ikki er seedaður sum nr 9 men sum nr 11 í 1500 frí. Á well, um ikki annað, so merkir tað at hann fær kapping í næstbesta riðli, heldur enn at skula pace’a seg sjálvan sum tann ið akkurát ikki kom við í besta riðil.
Photo © Bjarnason 2008
– OG PÁL ER SEEDAÐUR SUM NR 9 !! (lesið í viðmerkingunum) – OG RÆTTING DAGIN EFTIR: 11
Lið startlistarnir kunnu heintast her av manchester2008.org. Teir eru tíverri skipaðir upp eftir hvørt landslið sær, heldur enn hvørja kapping sær, og tað er tí eitt sindur torført at síggja hvørjir favorittarnir eru í ymisku kappingunum. Men tað er bestemt betri enn einki 🙂
Photo © Bjarnason 2008 Continue reading HM 2008 startlistarnir klárir
Sær út til at vit skulu fylgja væl við á www.susvim.com komandi dagarnar, til at hoyra hvussu føroysku svimjararnir hava tað. Jón Bjarnason skrivar her frá ferðini til Manchester, og viðfestir myndir frá ferðini.
Tey skriva her á swim.dk, at danska landsliðið til heimsmeistarastevnuna í Manchester verður bara éin svimjari (Chris Christensen), har okkara sum kunnugt eru fýra. Sviar og norðmenn senda lið, men fokus er yvirhøvur nógv á fyrst og fremst at fyrireika til olympisku leikir í summar, hjá teimum sum sleppa til OL. Vónandi kann hetta onkunsvegna verða ein fyrimunur hjá okkara svimjarum, at t.d. kappingarneytarnir hjá Pál eru færri í tali, umframt í tungari venjing. Continue reading Føroyska HM landsliðið 4 ferðir so stórt sum tað danska
Kelda: Susvim og Manchester 2008:
| Shaila millum Garðarnar | Mona Simonsen | Kári J. á Høvdanum | Pál Joensen | |
|---|---|---|---|---|
| mik 9. april | 100 rygg | 200 frí | ||
| hós 10. apríl | 100 frí | 800 frí | ||
| frí 11. apríl | 400 frí | 50 rygg | 400 frí | |
| ley 12. apríl | 50 frí | 100 blandað | ||
| sun 13. apríl | 200 frí | 200 frí | 200 rygg | 1500 frí |
Sum tit kunnu lesa her á swiminfo.com, so fer WORLD Championship Sports Network (WCSN) at senda ‘Live’ frá komandi HM í Manchester, á www.wcsn.com til amerikanskar hyggjarar og www.fina.org til restina.
Eg fái ikki sett inn offisiellu videoina, so her er onkur lýsing sum eg fann á YouTube
Sum tit kunnu síggja her á susvim.com, so hava nýggju landsliðsvenjararnir gjørt broytingar í kravtíðunum til HM í Manchester. Sum heild er talan um at kravtíðirnar eru vorðnar lættari, um enn tað enn bara eru tey fáu sum klára tær. Continue reading Kravtíðirnar til HM broyttar
Altjóða svimjisambandið FINA fer at hava ein fund áðrenn HM á stuttbana í Manchester 2008, har tey skulu avgera um undirvatnskamera skulu (kunna) brúkast til døming á stevnuni tá, og á øllum FINA meistarastevnum framyvir. Endamálið er sjálvsagt at kunna síggja betur til dømis ólóglig firvaldaspark í bringuvendingum. Lesið her á SwimmingWorld.
