So er fyrsti partur av Meistarastevnuni fyri Ung avgreiddur, við avbera góðum úrslitum. Cecilia Eysturdal úr Ægir setti juniormet í 400 metra frísvimjing, við tíðini 4:33.90 har metið hjá henni frá landsdystinum móti Íslandi í fjør var 4:36.21. Turið S. Christiansen úr Ægir setti juniormet í 200 metra blandaðari svimjing, við tíðini 2:28.10 har kravtíðin at seta juniormet var 2:29.95. Og Ægir-damurnar Eva Trygvadóttir, Turið S. Christiansen, Óluva Jacobsen og Cecilia Eysturdal settu nýtt juniormet í 4×50 frí, 9 hundraðpartar frammanfyri SuSvim, við tíðini 1:55.66 har metið hjá SuSvim frá í februar var 1:56.59. Havast skal í huga, at allar hesar gentur eru undir veruligan junioraldur, og tískil hava minst tvey ár afturat til at betra um sínar tíðir.
Tag: MU 2010
So byrjar MU 2010
Hetta vikuskiftið verður árliga Meistarastevnan fyri Ung, sum er føroyameistarastevnan fyri svimjarar í aldursbólkunum yngri enn junior. Stevnan byrjar í Svimjihøllini í Klaksvík nú fríggjakvøldið 7. mai kl 20, og heldur so áfram við stevnupørtum leygarmorgun kl 10, leygardag kl 16 og sunnudag kl 14.
Startlistin til MU 2010 sæst nú á LiveTiming.se
Svimjisambandið hevur keypt “Live Timing” til Meistarastevnuna fyri 2010, sum verður nú í vikuskiftinum, umframt til Føroyameistarastevnuna og Juniormeistarastevnuna næsta vikuskifti. Í ár við nýggjum møguleika at blása “Live Timing” síðuna upp á stórskíggja, sum vónandi merkir at áskoðararnir í hallunum fara at kunna fylgja enn betur við.
Luttakaralistin til MU 2010
Viðfestur er luttakaralistin til Meistarastevnuna fyri Ung 2010, sum verður í Klaksvík nú fríggjakvøld til sunnudag 7. – 9. apríl. Vit síggja at favorittarnir eru serliga Magnus Jákupsson úr HS, sum hevur bestu tilmeldingartíð av øllum í 8 greinum, umframt Cecilia Eysturdal úr Ægir við 7 bestu tilmeldingartíðum, og Turið S. Christiansen úr Ægir og Eyðbjørn Joensen úr SuSvim við hvør sínum 5.
Kunning um Meistarastevnuna fyri Ung 2010
Viðfest er innbjóðing til árligu Meistarastevnuna fyri Ung, at verða í Klaksvík 7. – 8. mai 2010. Meistarastevnan fyri Ung er føroyameistarakappingin fyri yngru aldursbólkarnar 1, 2 og 3, umframt at svimjarar úr allaryngsta aldursbólkinum 4 kunnu luttaka sum svimjarar í bólki 3.
Continue reading Kunning um Meistarastevnuna fyri Ung 2010
Innbjóðing til MU 2010 og FM/JM 2010
Viðfestar eru innbjóðingarnar til Meistarastevnuna fyri Ung 2010, umframt til FøroyaMeistarastevnuna og JuniorMeistarastevnuna 2010. Meistarastevnan fyri Ung verður í Klaksvík frá 7. til 9 mei 2010, og er fyri okkara yngstu bólkar 1, 2 og 3. FøroyaMeistarastevnan og JuniorMeistarastevnan verður í Tórshavn frá 14. til 16. mai 2010.
