Hygga síggj, tað sær út til at sviar ætla sær at stroyma frá bæði innleiðandi riðlum og finalum á Norðurlendsku JuniorMeistarastevnuni og Meistarastevnuni 2014, sum er í Upplands Väsby í Svøríki nú 12. – 14. desember 2014. Sí her á livetiming.se. Tey byrja nú kl 09:30 Upplands Väsby tíð, sum er kl 08:30 í Føroyum.
Tag: NJM/NM 2014
Føroyingarnir klárir til NJM og NM 2014
Nú í vikuskiftinum verður Norðurlendska JuniorMeistarastevnan og Meistarastevnan 2014, í Upplands Väsby eitt sindur norðanfyri Stockholm í Svøríki. Føroyska liðið fór úr Vágum í morgun, og er nú framkomið í øllum góðum til svimjihylin har eysturi. Svenska svimjisambandið hevur stovnað hesa heimasíðu til stevnuna, umframt at til ber at fylgja við úrslitunum her á livetiming.se
Føroyingar í Upplands Väsby. Sørin S. Djurhuus eigur myndina.
Startlistin til NJM/NM 2014 er klárur
Úttøka til NJM og NM 2014
Kunning frá Svimjisambandi Føroya
Starvsnevndin í Svimjisambandi Føroya hevur samtykt at taka út fylgjandi lið til Norðurlendsku JuniorMeistarastevnuna og Norðurlendskju Meistarastevnuna sum verður í Upplands Väsby nærhendis Stockholm í Svøríki frá 12. til 14. desember 2014.
Til NJM 2014
- Ásbjørg Hjelm (1999), Ægir
- Barbara Debes (2000), FLOT
- Jana Thomsen (2000), Reysti
- Maria Antoft (2000), Havnar Svimjifelag
- Lív Erlingsdóttir Eidesgaard (1999), Havnar Svimjifelag
- Signhild Joensen (2000), Ægir
- Marius Gardshodn (1998), Havnar Svimjifelag
- Niels Nattestad (1998), Havnar Svimjifelag
- Róland Toftum (1998), Suðuroyar Svimjifelag
Til NM 2014
- Emma Festirstein Nystrøm (1996), Havnar Svimjifelag
- Victoria Wigant Eysturdal (1998), Ægir
- Alvi Hjelm (1996), Ægir
- Eyðbjørn Joensen (1996), Suðuroyar Svimjifelag
- Høgni Simonsen (1995), Suðuroyar Svimjifelag
Venjarar verða Petur Heðin á Fløtti, høvuðsvenjari í Ægir, og Jón Bjarnason, høvuðsvenjari í Suðuroyar Svimjfelag.
Ferðaleiðarar verða Thurid Kjærbo og Sørin S. Djurhuus.
Vegna Svimjisamband Føroya
Rókur í Jákupsstovu
Kravtíðir til NJM/NM/HMS 2014
Starvsnevnd SSF hevur ásett viðfestu kravtíðir til komandi Norðurlendsku JuniorMeistarastevnu og Meistarastevnu 2014, sum verður í Svøríki hin 13. og 14. desember 2014, og til HeimsMeistarastevnuna á Stuttgeil sum verður í Doha í Qatar hin 3. til 7. desember 2014. Sí eisini kravtíðartalvuna á ssf.fo