Tag: NMU 2012

Tíðindaskriv frá Svimjisambandi Føroya

Farna vikuskiftið var Norðurlendska Meistarastevnan fyri Ung í Keypmannahavn, ið er kapping fyri gentur 13-14 ár og dreingir 15-16 ár, og kláraðu føroyingar seg einastandandi har. Tilsamans settu tey 12 føroysk juniormet og 8 føroysk seniormet, hóast eingin av teimum hevur veruligan junioraldur enn, og hartil fingu vit 2 gull, 2 silvur og 2 bronsu.

(Okkara gentur á NMU 2012. Morensa Thomsen eigur myndina)
Continue reading Føroyingar 2 gull, 2 silvur og 2 bronsu á NMU 2012

Óli Mortensen setti leygardagin nýtt føroyskt juniormet í eisini 800 metra frísvimjing, tá ið hann í kappingini 1500 frí svam fyrstu 800 metrarnar uppá 8:31.34, har kravtíðin at kunna seta juniormet var 9:05.46. Sostatt setti hann tvey juniormet í hesi einu kapping, í 800 og 1500 frí.

Sunnumorgunin megnaðu Eyðbjørn Joensen, Markus Joensen, Alvi Hjelm og Óli Mortensen at svimja seg til risa nýtt føroyskt met og juniormet í 4×200 metra frísvimjing, tá ið teir á NMU 2012 svumu samlaða teinin uppá 8:09.41, har føroyska metið var 8:44.94, og juniormetið ikki til staðar. Sí úrslitalista her.

Sunnumorgunin megnaði eisini Markus Joensen úr Havnar Svimjifelag at svimja seg til føroyskt met og juniormet, tá ið hann á NMU 2012 svam 100 metra bringusvimjing uppá 1:09.91, har føroyska metið hjá Dánjali Martini Hofgaard var 1:10.94, og kravtíðin til at kunna seta juniormet 1:11.06. Sí úrslitalista her.

Sunnumorgunin megnaði Victoria Wigant Eysturdal at svimja seg til juniormet og bronsu á NMU, tá ið hon í 400 frí svam teinin uppá 4:33.63, har juniormetið hjá stórusystir Ceciliu á EJM hósdagin var 4:37.51. Eitt øgiligt úrslit hjá ungu Victoriu, soleiðis at bjóða norðurlondum og evnaríku systrini av. Sí úrslitalista her.

Sunnumorgunin megnaði Kristina Elin Thomsen at svimja seg til føroyskt met, juniormet og norðurlendskt gull, tá ið hon á NMU svam 50 firvald uppá 29.23 sekund har føroyska metið hjá Shailu millum Garðarnar var 29.56, og juniormetið hjá Biritu Debes 30.56. Ein einastandandi góð tíð, ið sum sagt eisini rakk til NMU-gull frammanfyri norsku Inger-Ane Sætra Schefte á 29.36 og svensku Rebecka Gustafson á 29.37. Sí úrslitalista her.

Leygardagin settu Eyðbjørn Joensen, Markus Joensen, Alvi Hjelm og Óli Mortensen eisini stórt nýtt føroyskt met og juniormet í 4×100 frísvimjing, tá ið teir á NMU 2012 svumu teinini uppá 3:46.49, har føroyska metið var 3:57.08, og juniormetið ikki til staðar. Sí úrslitalista her.

Leygarmorgunin settu teir fýra Óli Mortensen, Markus Joensen, Eyðbjørn Joensen og Alvi Hjelm stórt nýtt føroyskt met og juniormet, tá ið teir á NMU 2012 svumu 4×100 blandað uppá 4:13.75, har føroyska metið frá SMÍ 2004 var 4:29.61, og juniormetið ikki til staðar. Uppá tíðina at fáa nýtt met, størsti trupulleiki er at vit ikki so ofta hava lið við út á langgeil. Sí úrslitalista her.