Teir báðir Óli Mortensen úr HS og Alvi Hjelm úr Ægir hava júst vunnið sær silvur og bronsu á NMU 2012, við frálíku tíðunum 16:17.10 og 16:22.48. Tíðin hjá Óla er nýtt føroyskt juniormet har metið hjá honum frá ÍM 2012 í apríl var 16:18.15, men Henrik Christiansen úr Noregi var tó aftur í einum klassa fyri seg, við tíðini 15:47.83. Sí úrslitalista her.
(Óli og Alvi á NMU 2012)
Ja nú streyma metini inn úr øll ættum, klaksvíksgentan Victoria Wigant Eysturdal hevur júst sett nýtt føroyskt juniormet í 800 metra frísvimjing, á NMU 2012 í Keypmannahavn. Tíðin hjá Victoriu var 9.28.80, stórasystir Cecilia W. Eysturdal átti metið á 9:30.24 frá DÅM 2010. Tíðin hjá Victoriu var nóg góð til at verða nr 4 á norðurlendsku ungdómsmeistarastevnuni, 2 sekund frá bronsuni. Sí úrslitalista her.
(Victoria gull á AMÍ 2010)
Tíðindaskriv frá Svimjisambandi Føroya
Hesir næstu fimm dagarnir verða rættiliga spennandi fyri føroyska svimjing, nú landslið okkara fara at royna seg á Evropeisku JuniorMeistarastevnuni í Antwerpen og Norðurlendsku Meistarastevnuni fyri Ung í Keypmannahavn. Magnus Jákupsson liggur rættiliga væl fyri til at koma í finalur á EJM, og í Bellahøj verða tey styrkismett at vinna heiðursmerki.
(Felagsmynd av EJM- og NJM-liðunum báðum)
Continue reading Svimjarar í eldin á EJM og NMU
Ein mynd her sum Rúni Gaardbo legði út í gjárkvøldið, við viðmerking “Nú er slutt við at ganga:)”
Nú hevur NMU-liðið hjá okkum eisini fingið sín egna bólk á Facebook, har tey leggja út tíðindi og myndir frá venjingarleguni og síðani luttøkuni á NMU 2012, hesa næstu vikuna. So nú er eingin umbering, ikki at fylgja við 😉
(Felagsmynd av liðum okkara á EJM og NMU 2012)
Í morgun fóru føroysku liðini avstað til Danmarkar, sum skulu luttaka á EJM í Antwerpen og NMU í Keypmannahavn. Hanna hevur longu fóðra Facebook við myndum og tíðindum, tey eru komin niður og eru svang, hava vist nokk smugla spik við til at klára fyrsta hungurin 🙂
EJM-liðið skulu longu í morgin víðari til Belgia, at fyri seg til fyrstu kappingar mikudag, meðan NMU-svimjararnir fara í venjingarlegu í Bellahøj fram til fyrstu kappingar har fríggjadag. Samstundis eru Pál og Jón komnir væl uppá pláss í Rijeka í Kroatia, har teir fínpussa tað síðsta áðrenn OL í London. Ein spennandi tíð hjá føroyingum.
Vikuskiftið 7. og 8. juli verður Norðurlendska Meistarastevnan fyri Ung hildin í Bellahøj í Keypmannahavn, við luttøku av einum rættiliga sterkum føroyskum liði. Fyriskipararnir hava lagt startlistar út her á livetiming.dk, har vit millum annað síggja at Victoria Wigant Eysturdal úr Ægir liggur til gull í 200 og 400 frí og bronsu í 800 frí, Óli Mortensen úr Havnar Svimjifelag til silvur í 400 og 1500 frí og bronsu í 200 frí, Kristina Elin Thomsen úr Suðuroyar Svimjifelag til gull í 50 og 100 firvald, silvur í 200 firvald og bronsu í 100 rygg, og Alvi Hjelm úr Ægir til bronsu í 400 frí. Okkara stafettir burdu eisini verið rættiliga sterkar; so um úrslitið verður bara so nøkulunda sum hatta bendir á, so verður tað klárt besta úrtøka hjá føroyingum nakrantíð á NMU.
(Føroyskar dámur á NMU 2010)
