Í Google Maps er eitt tól, ið kann máta frástøðu í langhylum. Tólið ‘Distance Measurement tool‘ liggur undir ‘Maps Labs‘ niðast til vinstru. Í ‘geeky option‘ kann man velja onnur mát enn metrar og føtur. Til dømis ‘Olympic swimming pool‘. Sostatt kann ber til at máta stytsta leið yvir um Nólsoyarfjørð at vera gott og væl 80 langhyljar.
Gev gætur at tíðindini her eru enn bara leysatíðindi frá fyrireikarunum av; men eg frætti herfyri at tey ætla sær at skipa fyri Nólsoyarsvimjingina áðrenn summarferiuna í ár, sum jú er mikið áhugavert fyri kappsvimjarar. Vanliga hevur nólsoyarsvimjingin jú ligið á Ovasøku, eina til tvær vikur eftir Ólavsøku, tá ið flestu svimjarar hava verið burturi frá svimjingini í minst ein mánaða. Men í ár umhugsa tey at hava tiltakið kanska longu leygardagin 26. mai, sum burdi ligið væl fyri hjá bæði motionistum og kappsvimjarum.
Hetta verður tó ikki endaliga avgjørt fyrr enn einaferð á páskum, tá ið tey sum vara av fara at hava fyrireikandi fund um tiltakið. Altso um hvussu vítt leygardagurin 26. mai skal verða dagurin, ella um tey skjóta tað út til seinni. Tað eru Evald Rasmussen, Erlendur Simonsen og Jákup av Skarði sum eru fremstu fyrireikarar, um onkur er eyka forvitin. Tit kunnu vænta at fyriskipanin verður tann vanliga, at man skal skaffa sær vátdrakt, bát og hjálparfólk sjálvur, og so annars bara melda til og møta upp.
