Óli Mortensen svam seg í morgun víðari til finalu í 200 metra frísvimjing á íslendsku meistarastevnuni á langgeil, tá ið hann í Reykjavík svam teinin 1:59.06. Hetta var fjórbesta tíð av teimum luttakandi í greinini, og við tað at Óli hevur svomið skjótari fyrr, so burdi verið møguleiki fyri heiðursmerki eisini her, seinnapartin. Sí úrslitalistan her.
Tag: Óli Mortensen
Óli 8:30.32, gull og juniormet á Íslandsmeistaramót í 50m 2013
Óli Mortensen megnaði í kvøld at vinna sær gullheiðursmerki á íslendsku meistarastevnuni á langgeil, tá ið hann í Laugardagslaug í Reykjavík svam teinin uppá 8:30.32, frammanfyri íslendsku Daniel Hannesson á 8:31.07 og Arnór Stefánsson á 8:32.78. Hetta er eisini nýtt føroyskt juniormet, í mun til teir 8:31.34 sum Óli svam á Norðurlendsku Meistarastevnuni fyri Ung í fjør summar. Óli førdi rættiliga greitt frá byrjan til endan, upp í smá trý sekund við 700 metrar, til Daniel setti spurt inn seinastu 100, og mundi fingið Óla aftur. Sí úrslitalistan her.
Óli í 800 frí finalu á ÍM 50m 2013, seinnapartin
Teir báðir Bartal Hestoy og Óli Mortensen høvdu frí frá innleiðandi riðlum á íslendsku meistarastevnuni í Reykjavík í morgun; men seinnapartin er Óli í finalu í 800 metra frísvimjing, við bestu tilmeldingartíð av øllum.
Bartal og Óli í finalum á ÍM 50m 2013 aftur í dag
Bartal Hestoy megnaði í morgun at svimja seg víðari til finalur á íslendsku meistarastevnuni á langgeil, við ávíkavist bestu tíð 2:34.18 í 200 ryggog næstbestu tíð 2:13.15 í 200 firvald. Óli svam so vítt eg dugi at síggja ikki í morgun, men er í finaluni í 1500 metra frísvimjing við næstbestu tíð. Tey svimja frá kl 18:30 føroyska tíð, sí úrslit á aegir.is
Óli 4:07.48 og silvur á Íslandsmeistaramót í 50m 2013
Óli Mortensen megnaði í kvøld at vinna sær silvurheiðursmerki í 400 metra frísvimjing, tá ið hann á íslendsku meistarastevnuni á langgeil í Reykjavík svam teinin uppá 4:07.48, aftanfyri íslendska Anton Sveinn McKee á 3:56.65. Ein ófør tíð, juniormetið hjá Óla er 4:06.44 frá somu Reykjavík International í januar. Sí úrslitalistan her.
Óli og Bartal á Íslandsmeistaramót á langgeil 2013
Teir báðir Óli Mortensen og Bartal Hestoy úr Havnar Svimjifelag luttaka í hesum døgum á íslendsku meistarastevnuni á langgeil, sum er í Laugardalslaug-høllini í Reykjavík. Í morgun svumu teir innleiðandi riðlar, har Óli varð triðskjótastur í 400 metra frísvimjing við tíðini 4:11.81, og Bartal næstskjótastur í 200 blandað við 2:15.38. Finalurnar byrja klokkan 17:30 íslendska tíð, sum mær vitandi er kl 18.30 í Føroyum. Sí sundsamband.is og úrslit her.
Óli Mortensen 4:06.44 og GULL í 400 frí á RIG 2013
Óli Mortensen megnaði í kvøld at vinna gull á Reykjavík International 2013, tá ið hann í 400 metra frísvimjing svam teinin uppá 4:06.44, frammanfyri norsku Morten Bordevic 4:07.01 og Erik Årsland á 4:08.20. Splitt-tíðirnar siga sína søgu, at tað var Bordevic sum svam fyrstu 50 skjótast, áðrenn Årsdal tók yvir og førdi greitt fram til 300 metrar. Bordevic vann so inn aftur á Årsdal við Óla á sleip, áðrenn Óli síðstu 50 setti spurtin inn, 28.91 sekund ímóti teimum 29.85 hjá Bordevic. Gull til juniorin úr Havnar Svimjifelag, í altjóða seniorkapping, og juniormet eisini, í mun til hansara 4:06.74 frá íslendsku meistarastevnuni í apríl 2012.
Sostatt gull og silvur og tvey juniormet til Óla á RIG 2013, hetta síðsta døgnið í Íslandi. Í morgin luttekur hann í 200 blandað og 200 frí, til ber at fylgja við tíðunum ‘live’ her á aegir.is.
Óli 4:15.77 og víðari í finalu á RIG 2013
Óli Mortensen luttók í morgun í 400 metra frísvimjing á Reykjavík International, og megnaði hann har við tíðini 4:15.77 at svimja seg í (senior) finaluna, seinnapartin. Tað er eitt sindur frá hansara tilmeldingartíð á 4:06.74, sum so hinvegin er væl skjótari enn nakar av teimum sum svumu 400 frí í morgun. Finalurnar byrja kl 16:30 íslendska tíð, 17:30 í Føroyum, har 400 frí er umleið miðskeiðis í skránni. Sí LiveTiming
Óli 16:09.16 og silvur á Reykjavík International 2013
Ungi havnardrongurin Óli Mortensen megnaði í kvøld at svimja seg til silvurheiðursmerki, tá ið hann á Reykjavík International Games í Íslandi svam 1500 metra uppá 16:09.16, aftanfyri bara íslendska OL-luttakaran Anton Sveinn McKee á 15:59.95. Ein ófør tíð hjá Óla, og stórt persónligt met í mun til teir 16:17.10 sum hann svam á Norðurlendsku Meistarastevnuna fyri Ung, farna summar. Og sum Bartal skrivar í viðmerkingunum, eisini nýtt føroyskt juniormet. Sí úrslitalistan her.
Óli fer at luttaka í 400 metra frísvimjing í morgin, har hann sambært startlistanum liggur til eitt bronsuheiðursmerki, og sunnudagin svimur hann so eisini 200 blandað og 200 frí. Reykjavík International Games er altjóða seniorstevna á langgeil, sum íslendska svimjifelagið Ægir skipar fyri á hvørjum ári. Óli er enn bara juniorur, enntá í yngra árganginum av teimum báðum sum eru juniorar beint nú.
Leinki til live timing og sovorðið sæst her á heimasíðuni hjá Ægir
Óli Mortensen til Íslands at kappast um vikuskiftið
Óli Mortensen er í hesum døgum í Reykjavík í Íslandi, har hann skal luttaka á árliga Reykjavíkar International, við rættiliga góðum kjansi fyri heiðursmerki. Sambært startlistanum skal hann í kvøld luttaka í 1500 metra frísvimjing, har hann er styrkismettur sum nummar 4, og í morgin er tað so 400 frí, har hann er styrkismettur sum nummar trý. Afturat hesum svimur hann so eisini 200 blandað og 200 frí, sunnudagin. Óli svimur fyri Havnar Svimjifelag. Sí innbjóðing við skrá her.