Tag: oyggjaleikir

Pál, Vár og Óli hava vunnið flest heiðursmerkir fyri Føroyar í oyggjaleikasvimjing

Listin yvir søguligum oyggjaleikasvimjarum er nú dagførdur. Enn er føroyska svimjilandsliðið í einum gullstima, sum byrjaði á Rodos í 2007. Á Gibraltar í ár vunnu føroysku svimjarnir 13 gull, 6 silvur og 8 bronsur, ella meira enn onnurhvør gull og silvur og um triðuhvørja bronsu hjá føroyingum, og gjørdu sítt til, at Føroyar endaðu á triðaplássi samanlagt. Svimjarnir fingu haraftrat 13 fjórðapláss. Í alt hava føroysku svimjarnir vunnið 114 gull, 83 silvur og 100 bronsur á ymsum oyggjaleikum, har onnurhvør bronsa, tvær av trimum silvur, og tríggjar av fýra gull eru vunnar á teimum 6 síðstu av 17 oyggjaleikunum, svimjarnir hava luttikið í.

Vár Erlingsdóttir Eidesgaard (FAR, gull), Abigail Lacey (IOW, silvur) og Rebekka Trygvadóttir (FAR, bronsa) í 400 blandað. Fyrsta gulli hjá Vár av seks á Gibraltar. Mynd: William Gracia

Continue reading Pál, Vár og Óli hava vunnið flest heiðursmerkir fyri Føroyar í oyggjaleikasvimjing

Listin yvir søguligum oyggjaleikasvimjarum er dagførdur

Úrslitini frá svimjingini á oyggjaleikum í Gotlandi vísa týðiliga framgongd aftaná ættarliðskiftið á Jersey í 2015 og sum heild liggur svimjingin í einum aldutoppi, ið byrjaði á Rhodos í 2007. Til samans hava svimjarnir fingið 76 gull-, 49 silvur- og 49 bronsuheiðursmerki tey seinastu 10 árini. Her skal minnast til, at føroysku svimjarnir luttóku ikki á Bermuda í 2013. Taka vit øll gullheiðursmerkini í svimjing hjá føroyingum síðan 1985 so er talið 101.

Continue reading Listin yvir søguligum oyggjaleikasvimjarum er dagførdur

Listin yvir søguligum oyggjaleikasvimjarum er dagførdur

Nú eru úrslitini frá Jersey tald við í yvirlitinum av søguligum oyggjaleikasvimjarum. Ovast er Pál Joensen við 21 gull, 9 silvur og 3 bronsur. Gevi gætur at liðkappingarnar eru ikki taldar við. Nýggj í topp 10 er Sára R Nysted úr Susvim. Hon er komin beinleiðis inn sum nr 4 við 4 gull og 2 bronsur eftir Pál, Høgna T Hansen og Elspa Mørkøre. Sára hevur samstundis sett met sum mest vinnandi debutantur. Gamla metið átti Pál Joensen, tá hann, sum oyggjaleikadebutantur, vann 3 einstaklinga gull á Rhodos í 2007.


Astrið, Ásbjørg, Signhild og Sára
Continue reading Listin yvir søguligum oyggjaleikasvimjarum er dagførdur

Svimjing avgerandi fyri góðum úrslitum á Oyggjaleikum

Tað verður eftir øllum at døma eitt soltið ár á Bermuda, nú starvsnevndin boðar frá, at føroyskir svimjarar ikki fara at luttaka á leikunum. Teir føroysku svimjararnir hava verið garantar fyri topp plaseringum á Rhodos, Álandi og Isle of Wight.

Føroyskir svimjarar hava í 2007 og 2009 vunnið í hylinum á Oyggjaleikum. Í fjør kundu svimjararnir kalla seg fyri moralskar vinnarar, tí hóast Guernsey vann á okkum við fleiri bronsumerkjum, so hølvaði unga liðið úr Føroyum øll av í 8×50 frí. Eisini var tann føroyski hópurin minni enn teir hjá Guernsey, Jersey, Isle of Wight og Gibraltar.
Continue reading Svimjing avgerandi fyri góðum úrslitum á Oyggjaleikum

10 debutantar við á oyggjaleikum í ár

Í ár eru 10 svimjarir við fyri fyrstu ferð á oyggjaleikum. Sama talið av debutantum var eisini í 2005 og Í 1997 vóru 12 debutantar í ferðaliðnum. Men talið av debutantum hevur ikki haft stóra ávirkan á heiðursmerkjatalið. Debutantanir eru grønir í grafinum meðan veteranarnir eru bláir. Tvey, Shaila og Dia, hava metið sum super-veteranar. Tey hava luttikið 6 ferðir í part.

Continue reading 10 debutantar við á oyggjaleikum í ár

Føroyingar eru søguliga sterkir á styttri teinum á oyggjaleikum

Tá vit telja heiðursmerkini saman, sum føroyingar hava vunnið í svimjing á oyggjaleikum, so síggja vit, at føroyingar eru og hava verið sterkir á styttri teinum, serliga í bringu og frí og í stafettunum. Hinvegin eru longri teinar í blandað og firvaldi ikki tað, vit hava vunnið oftast í.

Continue reading Føroyingar eru søguliga sterkir á styttri teinum á oyggjaleikum

Pál hevur vunnið flest oyggjaleikaheiðursmerkir

Tað kann neyvan undra nakran, at Pál er tann føroyski svimjarin, sum hevur vunnið flest heiðursmerkir á oyggjaleikum. Pál hevur higartil vunnið í einstaklingakappingum 10 gull, 4 silvur og tvær bronsur (OBS! Tabellin niðast er dagførd eftir Jersey 2015, soleiðis at Pál eigur nú 21 gull, 9 silvur og 3 bronsur í einstaklingakappingum). Næst eftir honum finna vit Høgna T Hansen við 6 gull, 1 silvur og 2 bronsur. Síðani hevur Elspa Mørkøre vunnið 5 gull, 2 silvur og 1 bronsu. Sí tabel niðast.

Miðalaldurin á hópunum hevur ligið í millum 16.4 ár og 21.4 ár. Metið sum elsti svimjari eigur Andrass Thomsen frá 2009, tá hann var 27 ár. Yngsti svimjarin er Benthe Andersen Birita Debes… Elspa Mørkøre, tá hon var 13 ár í 2005.

Hópurin av svimjarum hevur ligið ímillum 7 og 17, meðan heiðursmerkjahálið hevur verið millum 1 og 43.


Tabel yvir einstaklingum við fyrivarni fyri feilum og manglum. G = gull, S = silvur, B = bronsa, M = miðal støða í kappingum og K = tal av kappingum. Tað ber til at sortera í tabellini við at trýsta ovast á kolonnum.

Eingir Oyggjaleikir í Føroyum ár 2015

Sum tit kunnu lesa her á isf.fo, so hevur Ítróttarsamband Føroya nú slept ætlanunum um at hava Oyggjaleikir í Føroyum ár 2015, við støði í verandi ítróttaanleggum, verandi gistingarmøguleikum, fíggjarligu støðuni í samfelagnum, kostnaði hjá hinum londunum at koma higar, “og ikki minst, hvørjar aðrar oyggjar bjóða seg fram at vera vertir fyri Oyggjaleikunum í 2015”. Niðurstøðan er eisini grundað á, at stórt og umfatandi og ikki minst kostnaðarmikið tilfar skal framleiðast innan 1. september í ár, tá freistin at bjóða seg fram til 2015 fer. Tann pening metir ÍSF seg ikki at eiga at nýta, nú møguleikarnir allíkavæl ikki eru so góðir at fáa leikirnar.

Oyggjaleikir 2015 verða annaðhvørt í Føroyum ella á Jersey

Hetta skrivar WalesOnline, nú Anglesey tekur aftur sína umbøn um at fáa Oyggjaleikir hetta árið. Eftir eru tí bara Jersey og Føroyar, í kappingini um at sleppa at verða vertir fyri Oyggjaleikum ár 2015. Continue reading Oyggjaleikir 2015 verða annaðhvørt í Føroyum ella á Jersey

Meðan vit bíða…

Ímeðan vit bíða eftir at hoyra frá føroyingunum á Rhodos muga vit lána tilfar frá øðrum keldum.

Veðrið á Rhodos er gott. Tey hava 30 hitastig og bakandi sól. Súkklarar úr Jersey hava roynt kappingarteinin, ið er 120 km langur við brekkum upp í 10% hall (hallið niðan á Eiðisskarð úr Funningi er í miðal 6,8%). Tíbetur eru tey lokalu fólkini fús í at koma við eina kalda, hjálpandi hond.

Vónandi finna Rókur og Ottar ókeypis tráðleyst net her, so vit kunna fáa fersk tíðindi teimum. Continue reading Meðan vit bíða…