Tað er torført at skilja, hvussu góð úrslitini hjá Páli Joensen eru fyri Føroyar sum svimjitjóð. HM bronsuheiðursmerkið hann vann sunnudagin í Istanbul legði Føroyar á einum deildum 23. plássi saman við Kekkia og Trinidad & Tobago. Gott nokk liggja vit aftast millum londini sum vunnu heiðursmerkir, men aftanfyri okkum liggja 137 tjóðir, ið einki vunnu. Har í millum sterkar svimjitjóðir sum Svøriki, Holland, Kanada, Eysturríki, Serbia og Tunesia, ið vanliga kappast um heiðursmerkir.
Føroyar millum tey 25 bestu av 162 luttakandi londini.
Continue reading Føroyar millum bestu svimjitjóðir í heiminum
Tag: Pál Joensen
Mínar videoir frá 1500 finaluni á HM í Istanbul 2012
Tríggjar videoir frá finaluni í 1500 metra frísvimjing á heimsmeistarastevnuni í Istanbul, har Pál vann bronsu.
Presentatión
Continue reading Mínar videoir frá 1500 finaluni á HM í Istanbul 2012
Soleiðis sær hon út, bronsan hjá Páli
Petur Heðin, Birita og Rókur hyggja at heiðursmerkinum hjá Páli, í bussinum á veg heim úr HM-høllini í Istanbul. Pál er har eisini, eitt sindur móður.
Pál trenar á HM í Istanbul
Pál Joensen svimur her onkra teknikk-seriu í kappingarhylinum á heimsmeistarastevnuni í Istanbul, leygardagin hin 15. desember 2012. Hann hevði frí frá kapping tann dagin. Dyrka sangin ! 🙂
Pál svimur HM finalu kl 18:36
Pál Joensen svimur í 1500 HM-finaluni í Istanbul kl 18:36 føroysk tíð, sum er 20:36 lokal tíð. Kappingin verður varpað beinleiðis á turkisku sjónvarpsrásini TRT3. Ensk miðlafólk, Stuart Storey og fyrrverandi svimjarin Alison Sheppard, siga frá á rásini hjá FINA. Eisini ber til at síggja splitttíðirnar á Omegatiming.com. B-, C-, D- og E-finalurnar vóru í morgun.
Skjótasta tíðin í morgun átti Matthew Levings úr Avstralia. Tíðin hjá honum var 14:40.05. Ryan Feeley úr USA var bara 1/100 sekund spakuligari. Tí noyðast svimjarnir í kvøld svimja undir 14:40.05 fyri at geva sær vónir um eina medalju. Pál svam fyri góðum mánaði síðani 14:44.83 í Tokyo.
Pál Joensen 3:42.23 og nr 6 í 400 frí á HM í Istanbul
Pál Joensen luttók í gjárkvøldið í finaluni í 400 metra frísvimjing, á heimsmeistarastevnuni á stuttgeil í Istanbul. Tað varð ein rættiliga spennandi finala har Pál var væl við, hóast kinesiski Yun Hao legði avstað sum eitt óløgi, og Biedermann so tá í móti endanum hevði sín tiltikna spurt, ið gjørdi at týskarin endaði við at verða heimsmeistari. Pál varð nummar 6 við tíðini 3:42.23, eitt sindur skjótari enn í innleiðandi, nú verður spennandi í 1500 finaluni í morgin. Sí úrslistalistan her.
Video: Pál 400 frí innleiðandi á HM í Istanbul 2012
Pál Joensen luttekur her í innleiðandi riðlunum í 400 metra frísvimjing á heimsmeistarastevnuni á stuttgeil 2012, í Istanbul, Turkalandi. Tíðin er nóg góð til at hann slapp í finaluna.
Skráin hjá okkum í Istanbul
So er tað í morgin árini at Birita byrjar ballið, tá ið hon her á HM í Istanbul skal luttaka í 100 metra ryggsvimjing, umleið miðskeiðis í innleiðandi partinum sum byrjar kl 10:00 Istanbul tíð (08:00 í Føroyum). Síðani kappast tey bæði Pál allar dagar fram og við sunnukvøldið, tá ið Pál endar føroysku luttøkuni við finaluni í 1500 metra frísvimjing. Ferðaliðið hevur SSF-telefon +298 51 75 59, vinarliga brúkið hana um tit vilja í samband við nakran her, tí tað kostar kassan at samskifta úr Turkalandi.
Pál í 1500 frí finalu á HM í Istanbul
Enn einaferð hevur Pál Joensen megnað at umboða Føroyar í altjóða finalu, nú hann sunnukvøldið skal luttaka í 1500 metra frí finaluni á heimsmeistarastevnuni á stuttgeil, sum er í Istanbul í Turkalandi. Og tað við einum fjórðaplássi, vegna góða úrslitið sum hann fekk á EM í Stettin í fjør. Og í 400 frí sær tað faktiskt enn betri út, har hann á pappírinum liggur til eina bronsu. Pál sigur seg vera væl fyri, so tað kann bara blíva spennandi 🙂
Birita og Pál til HM í Istanbul at kappast
Nú mikudagin 12. desember byrjar HM á stuttgeil, í Istanbul í Turkalandi. Føroyska luttøkan verður Birita Debes úr Ægir og Pál Joensen úr Suðuroyar Svimjifelag; Birita í 50 og 100 rygg og 50 og 100 frí, og Pál í 400 og 1500 frí. Ferðalagið úr Føroyum fer (vónandi) við Atlantic nú í dag, men fyribils eru vit útsett vegna kavarok í Kastrup. Við Biritu og Páli eru Petur Heðin á Fløtti, venjari, Súsanna Debes, ferðaleiðari og undirritaði Rókur í Jákupsstovu, ferðaleiðari.
