“3-2” spurdi Pál og Jón hvussu gekst við hæddarvenjingini í Spania og Suðurafrika.
Tag: Pál Joensen
Daniel Fogg er triði breti nakrantíð undir 15 minuttir í 1500 á langgeil
Hugsa um hatta eina løtu: Vit hava verið her ofta fyrr, og allarflestu føroyingar hava eftirhondini fangað at Pál Joensen er nakað heilt serstakt, í veruligum heimsklassa í eini ítróttargrein sum hevur røtur líka aftur til fyrsta OL í Athen í 1896 og longri. Tað eru bara frælsur ítróttur, svimjing, fekting og amboðsfimleikur sum uttan íslit hava verið ítróttargreinir á øllum summar-OL, og 1500 frí fastur táttur líka síðani St. Louis í 1904 (OK, akkurát í St. Louis var tað ein ‘mile’, men tað er sirka tað sama). Bretland er eitt av bert 5 londum sum hava luttikið á øllum summar-OL (hini eru Grikkaland, Frakland, Sveits og Avstralia). Og tó so varð Daniel Fogg bara triði bretin í heimssøguni undir 15 minuttir í 1500 metra frísvimjing á langgeil, tá hann her um vikuskiftið kvalifiseraði seg til triðja OL sum bretar skipa fyri, í London í summar. Fogg svam flottu tíðina 14:55.30. Pál svam 14:46.33 í Shanghai.
(Videoin her er um Daniel Fogg og toymið aftanfyri hann á English Institute of Sport á Loughborough University. Tey siga at tað krevst; vit vita at tað er ikki alneyðugt, men at tað hevði gjørt tað heila ein heilan deil lættari.)
Pál 5000 metrar á langgeil uppá 54:00,18
Heilsan frá Jón úr Suðurafrika:
5000m test í gjár, Pál svam 54:00,18 og er tað betur enn nakar dani hevur gjørt. Til dømis kann sigast at seinastu 3000m hjá Páli vóru 50 sek skjótari enn besti 3000m testurin hjá donsku harrunum (Glæsner & Lie) nakrantíð hava gjørt.
Tá skal sigast, at hetta er í hæddunum har suðuri í Afrika, 34 gradir og 1800 metrar uppi, sambært serfrøðingum har reelt nærri 2000, tá ið tað er so heitt.
(og teir hava eftir øllum at døma tíð til annað eisini 🙂
Grein um Pál sent út við Politiken
Í síðstu viku bleiv eitt føroyskt ferðavinnublað borið út við Politiken. Í blaðnum er ein grein um “Verdens hurtigeste færing”, har Pál verður lýstur sum “…et muskelbundt med meget blide og venlige øjne” og Jón sum “…træneren med den skaldede isse” 🙂 Vágaportalurin veit at siga, at longu dagin eftir blaðið kom út, høvdu 230 danir keypt sær ferðaseðil til Føroyar. Blaðið kann lesast her.
Pál á venjingarlegu í Spania og Suðurafrika
Pál Joensen og Jón Bjarnason eru í hesum døgum á veg til Sierra Nevada á hæddarlegu, Pál eftir fyrst at hava verið til onkra test og vant saman við danska landsliðnum í Keypmannahavn, og Jón nú á veg úr Føroyum. Teir skulu vera fyrst 2 vikur uppi í hæddunum í Sierra Nevada fjøllunum í Suðurspania, í umleið 2300 metra hædd, og síðani 2 vikur í Pretoria í Suðurafrika, sum er í umleið 1800 metra hædd (og uttandura).
Her í videoini hevur danski sportsjefurin Lars Sørensen fingið orð á Pál, í sambandi við venjing í úrvalsdeplinum hjá danska svimjilandsliðnum í Bellahøj.
Sí eisini svoem.dk
Pál Joensen við danska landsliðnum á venjingarlegur fram ímóti OL
SwimNews.dk veit at siga frá prentaðu útgávuni av Jyllandsposten, at Pál Joensen fer við á tær tríggjar venjingarlegurnar hjá danska svimjilandsliðnum, harav fyrsta er ein hæddarlega nú síðst í januar. Hetta er fyrstu ferð at Pál fer á eina veruliga hæddarlegu, og hann er sjálvsagt rættiliga spenntur uppá hvussu tað fer at roynast.
Nu er det første gang, jeg kommer til at prøve en højdetræningslejr, og nu vil jeg prøve at tage det allersidste skridt med en lang træningslejr i højden. Det tror jeg vil give det sidste i min fysiske form, som jeg har brug for.
Continue reading Pál Joensen við danska landsliðnum á venjingarlegur fram ímóti OL
OL-búnin hjá dønum er klárur
Nú eru sniðgevarnir hjá Jack & Jones og Vero Moda komnir so mikið langt, at OL-klæðini hjá dønum kundu avdúkast her í vikuni. Tað eru Bestseller sum veita klæðini til allar teir donsku OL-luttakararnar, íroknað reseptiónsklæðir, innmarsj-klæðir, frítíðarklæðir, paradudraktir og ‘Denmark Wear’. ‘Paradudraktir’ eru vanligu treningsdraktirnar, sum til dømis svimjararnir eru í tá ið teir fara eftir heiðursmerkjum. Vist nokk tær heilt reyðu við hasari hvítu strípuni frá vinstru øksl, sum vit milum annað síggja Rikke Møller Pederesen og Jeanette Ottesen vera í á videoini niðanfyri. Sí ol.dk
Pál Joensen heimasíða væl á veg
René Thomsen hevur brúkt tíð her um jólini til at snikka saman eina (í øllum førum hálv-) offisiella ‘Pál Joensen’ heimasíðu á www.paljoensen.com, við myndum og video og upplisting av úrslitum og sovorðnum. Sær gott út !
Prát við Dr Homayun Gharavi umborð á Smyrli sunnukvøldið
Pál Joensen og Jón Bjarnason høvdu í farnu viku vitjan av einum týsk-iranskum lækna kallaður Dr Homayun Gharavi, ið teir fyrstu ferð møttu í 2010, á “Battle Camp” í Potsdam og síðani á Mare Nostrum í Monaco. Eg fór sjálvur suður í barnadóp sunnudagin, og slapp tá at uppliva síðstu venjing har suðuri leygarkvøldið, umframt at gera hesar báðar samrøðurnar við “Homer” umborð á Smyrli á veg heim aftur sunnukvøldið.
Fyrsta video er mest um hvør hann er, hvat hann ger og hvat hann heldur um sítt yrki. Hartil eitt lítið sindur um vikuna í Suðuroy, inntil eg uppdagaði at videotólið manglaði streym.
Continue reading Prát við Dr Homayun Gharavi umborð á Smyrli sunnukvøldið
Kringvarpið samsendir DR sendingina um Pál Joensen
Klokkan 16.55, leygardag 22. oktober, samsendir Kringvarpið sendingina “Mín ítrótt: World Cup svimjing – Pál Joensen”. Dr.dk skrivar:
“Min Sport til World Cup i svømning: Svømmeren Pál Joensen er fra Færøerne og er en af medaljekandidaterne, når de danske svømmere næste sommer hopper i det olympiske bassin i London. Vi har fulgt den stærke svømmer blandt verdens bedste til World Cup-stævnet i Stockholm. Og vi tager med ham hjem til Færøerne, hvor han fortæller, hvorfor han foretrækker at bo og træne derhjemme, på trods af at Færøerne ikke har et bassin i den olympiske længde. Sendes også 25.10.11”