Tag: Pál Joensen

Pál kundi fingið ein 50 metra hyl í morgin, um viljin veruliga var har

Tá ið vit tosa um at fáa 50 metra hyl í Føroyum, so er næsti setningur næstan konsekvent, at tað kemur at kosta 60 ella 70 ella kanska yvir 100 milliónir krónur, tí at tað er prísurin fyri eitt svimjistadion. Men ynskið hjá Jón Bjarnasyni er faktiskt nógv meira einfalt og avmarkað, at fáa 2 geilir á 50 metrar til bara svimjivenjing, til ein prís og við eini verkætlan sum ger at vit kunnu fáa nyttu av hylinum nærmast beinanvegin, heldur enn at skula bíða eftir eini stórari byggiverkætlan.
Continue reading Pál kundi fingið ein 50 metra hyl í morgin, um viljin veruliga var har

Pál fekk 5. pláss og setti nýtt føroyskt met í 800 frí

Pál Joensen fekk eitt 5. pláss í 800 frí finaluni í Budapest. Tíðin hjá honum var 7:53.11, sum er nýtt føroyskt met. Gamla metið, sum Pál setti við superdrak í fjør, var 7:54.40. Norðurlendska metið hjá Mads Glæsner er 7:52.18. Fraklendingurin Sebastien Rouault fekk gull við tíðini 7:48.28.

  1. Sebastien Rouault, Frakland – 7:48.28
  2. Christian Kubusch, Týskland – 7:49.12
  3. Samuel Pizzetti, Italia – 7:49.94
  4. Gergo Kis, Ungarn – 7:51.93
  5. Pál Joensen, Føroyar – 7:53.11
  6. Federico Colbertaldo, Italia – 7:54.84
  7. Mads Glæsner, Danmark – 7:55.80
  8. Gergely Gyurta, Ungarn – 7:59.95

Pál legði harðast út við Mads Glæsner og Sebastien Rouault undir liðini. Rouault og Glæsner fóru eitt vet frammum eftir 300 m, meðan Kubusch byrjaði at seta fer á aftaná 350 og vendi sum nr 2 aftaná 400 m aftanfyri Rouault og frammanfyri Glæsner. Pál svaraði aftur og fór frammum Glæsner 50 m seinni, men samstundis byrjaði Pizzetti og Kis at taka seg fram, soleiðis at Kubusch, Rouault, Pizzetti og Kis vendu sum nr 1, 2, 3 og 4 aftaná 500 m. Rouault og Kubusch svumu undan hinar og lógu lið um lið heilt til mál.

Pál víðari úr innleiðandi 800 frí

Pál Joensen vann í áðni 4. riðil í 800 frí innleiðandi í Budapest. Tíðin hjá Pál var 7:56.55, ið var 4. besta tíð í morgun. Hesir møtast í finaluni kl 16 í morgin.

  • Christian Kubusch, Týskland – 7:53.93
  • Sebastien Rouault, Frakland – 7:54.30
  • Gergo Kis, Ungarn – 7:55.87
  • Pál Joensen, Føroyar – 7:56.55
  • Frederico Colbertaldo, Italia – 7:58.32
  • Mads Glæsner, Danmark – 7:58.50
  • Gergely Gyurta, Ungarn – 7:59.13
  • Samuel Pizzetti, Italia – 8:00.10

Pál legði hart út og førdi allan teinin. Gyurta og Pizzetti blivu nr 2 og 3 í riðlinum. Mark Foster segði á Eurosport, at “[Pál] has gone from zero to hero“.

Pál Joensen fekk EM silvur í 1500 frí

Pál Joensen fekk silvur í Budapest og setti nýtt norðurlenskt met í 1500 frí. Tíðin hjá Pál var 14:56.90 – einans 1.73 sekund eftir fraklendingin Sebastien Rouault, ið svam 14:55.17. Italiumaðurin Samuel Pizzetti fekk bronsu við tíðini 14:59.76. Stuttbana evropameistarin Frederico Colbertaldo úr Italia gjørdist nr 4 við tíðini 15:06.92.

DSC00250
Continue reading Pál Joensen fekk EM silvur í 1500 frí

Norðmaður um Pál: “Gratulerer med dagen, det holder til medalje!”

Pál vann sín riðil sannførandi, tá hann svam 1500 innleiðandi fyri løtu síðani. Tíðin hjá Pál var 15:04.05, sum er tað hann og Jón Bjarnason høvdu ætlað sær. Teir mettu, at 15:05.00 burdi verið nokk til finalu pláss. Tíðin var eisini fyribils besta tíð á teininum í ár.

Pál førdi beinanvegin undan, og økti munin niður til hinar allan teinin. Mads Glæsner, sum svam 400 frí í gjár, men misti finalu pláss, lá eina løtu nr 2, men bleiv yvirhálaður av fransmannin Anthony Pannier og eina løtu seinni av hollendaran Job Kienhuis. Men Glæsner svaraði aftur og fekk eitt triða pláss við tíðini 15:16.63. Pannier gjørdist nr 2 við tíðini 15:14.38 og Kienhuis bleiv nr 4 við tíðini 15:24.31. Ein norðmaður í Budapest viðmerkti, at Pál svam teir síðstu 100 m undir minuttin, ið vísir, at hann hevði orku eftir. Norðmaðurin segði so: “Gratulerer med dagen, det holder til medalje!”.

Rókur í Jákupsstovu, næstformaður í SSF, sigur úr Budapest, at “Jón og Pál hava garanterað hægri mál, men fyri Svimjisambandið er málið hervið rokkið. Nú er so dreymurin eftir!”.

Nú annar og triðið riðil er svomin er bara ein svimjari, Samuel Pizzetti úr Italia, skjótari enn Pál. Tíðin hjá Pizzetti er 15:03.32. Sebastien Rouault (FRA, 15:06.70), Przemyslaw Stanczyk (POL, 15:08.54), Federico Colbertaldo (ITA, 15:08.83), Mateusz Sawrymowich (POL, 15:09.50), Gergely Gyurta (HUN, 15:12.46) og Anthony Pannier (FRA, 15:14.38) eru eisini í finaluni í morgin. Mads Glæsner bleiv nr 9 og náddi tí ikki finaluna. Uttan so at ein av hinum melda frá.

Pál víðari til Finaluna í 400m

Í 400m frí í morgun svam Pál 3:57,93 og var tað nokk til eitt 4. pláss og víðari til finaluna.

Í finaluna komu annars:
1. Sébastien Rouault FRA 3:54,38
2. Oussama Mellouli TUN 3:56,89
3. Anthony Pannier FRA 3:57,64
4. Pál Joensen FAR 3:57,93
5. Mark Randall RSA 3:58,09
6. Ahmed Mathlouthi TUN 3:58.45
7. David Carry GBR 3:58,99
8. Jorge Maia POR 3:59,46

Hóðast hetta er ein sterk finala um ein hugsar um teir sum svimja, so var tað relativt nemt at svimja seg í finaluna um ein ikki var troyttur. Og tað sá ein alt fyri eitt tá ið Sébastien Rouault sprintaði frá Mellouli seinasta 50m í morgun.
Tað var hart at svimja 3:57,9 í morgun sigur Pál. Okur høvdu jú bert ein hvíludag, og hann var hildin í einum bussi tá ið okur koyrdu frá Barcelona til Canet, so tað var alt annað enn optimal hvíld. Sébastien Rouault og Ahmet Mathlouthi vóru ikki í Barcelona, og eru teir ikki eins troyttir og hinir 6 sum eru í finaluni, so spennandi verður at síggja hvussu tað ávirkar úrsliti.

Finalurnar byrja klokkan 17:00 føroyska tíð, og 400m er ein av fyrstu finalunum.

Leif Mohr stuðlar Pál Joensen

Tíðindaskriv frá P/f Leif Mohr

Í ár hevur P/f Leif Mohr 75 ára stovningardag, og í tí sambandi hevur fyritøkan valt at stuðlað svimjaranum, Pál Joensen. – Pál er ein stór fyrimynd hjá ungdóminum, tí hann er miðvísur og til reiðar at arbeiða hart, sigur Leivur Holm, stjóri.

DSC04422
Continue reading Leif Mohr stuðlar Pál Joensen