Pál Joensen royndi seg í dag á týsku meistarastevnuni í open water svimjing, og varð hann har nummar 5 í 5 km einkultstarti.
Fleirfaldi heimsmeistarin Thomas Lurz vann greitt við tíðini 53.21.61, og aftanfyri hann vóru tað so eisini týsku Rob Muffels og Andreas Waschburger sum vunnu silvur og bronsu, við ávikavist 54:05.94 og 54:24.31.
Continue reading Pál nr 5 á týsku meistarastevnuni í open water
Pál Joensen vann sær í dag gull á Deloitte Øresund Triathlon við Charlottenlund Fort norðanfyri Keypmannahavn, tá ið hann sum partur av liðnum “Friends of Saysky” svam 1.9 km teinin uppá 20 minuttir og 31 sekund.
Pál Joensen vann sær í dag sítt næsta silvurheiðursmerki á Mare Nostrum stevnunum 2014, tá ið hann í 1500 metra frísvimjing finaluni í Barcelona svam teinin uppá 15:10.38, beint aftanfyri suðurafrikanska Devon Myles Brown á 15:10.02.
Tað var ein av hesum klassisku kappingunum hjá Páli, har hann legði hart út og dró frá fyrst nógvu hundrað metrarnar, fyri síðani at verða innheintaður ímóti endanum.
(Heiðursmerki hjá Páli á Mare Nostrum 2014. Pál Joensen eigur myndina)
Continue reading Pál 15:10.38 og silvur í 1500 frí á Mare Nostrum í Barcelona
Nú finst ein startlisti her á natacio.cat, sum millum annað fortelur okkum at Pál Joensen hevur bestu tilmeldingartíð í 1500 metra frísvimjing.
Hann skal millum annað kappast ímóti kanadiska Devon Myles Brown, franska Damien Joly og spanska Marc Sanchez Torrens, sum vóru skjótari enn Pál í 800 frí í í gjár, tá ið hesir vunnu ávíkavist gull, silvur og bronsu á Mare Nostrum stevnuni í Canet.
Men hesuferð hevur Pál valt 400 meturin frá, ið so kanska gevur eyka orku til 1500 meturin. Hinir tríggir luttaka allir í bæði 400 og 1500.
Continue reading Startlistin klárur til Mare Nostrum stevnuna í Barcelona
Pál Joensen varð fimtskjótastur í 800 metra frísvimjing á Mare Nostrum stevnuni í Canet, tá ið teir í kvøld svumu skjótasta riðil. Tað var nokk ikki heilt sum vónað; tí hann hevði jú bestu tilmeldingartíð á 7:50.81, og tíðin 8:03.16 var eisini nokk so langt frá henni. Hinvegin rykti Óli Mortensen líka nógv fram, tá ið hann við nýggjum juniormeti á 8:13.75 svam 16. bestu tíð, í mun til sína styrkismeting sum nr 20.
Vinnarin av 800 nú varð suðurafrikanski Devon Myles Brown, sum sostatt hevur vunnið 400 frí bæði í Monaco og Canet, umframt hendan 800 í Canet. Hann svam teir 800 metrarnar á 7:54.46, meðan franski Damien Joly svam seg til silvur við tíðini 7:58.92, og spanski Marc Sanchez Torrens bronsu við 7:59.01. Altso generelt nokk so harmleysar tíðir, sum Pál hevði klárað um hann svam upp til sína tilmeldingartíð.
Continue reading Pál 8:03.16 og nr 5 í 800 frí í Canet
Pál Joensen svam seg fyri løtu síðani til eitt fjórðapláss á Mare Nostrum stevnuni í Canet, tá ið hann í A-finaluni í 400 metra frísvimjing svam teinin uppá 3:52.14.
Suðurafrikanski Devon Brown vann við tíðini 3:50.93, spanski Miguel Duran Navia vann silvur við tíðini 3:31.91, og polski Filip Zaborowski vann bronsu við tíðini 3:51.93.
Continue reading Pál nr 4 í 400 frí í Canet
Pál Joensen svam seg í morgun víðari til finalu á Mare Nostrums stevnuni í Canet, tá ið hann í 400 metra frísvimjing svam 3:54.04 og bestu tíð av teimum 24 sum luttóku í innleiðandi riðlunum.
Hann var annars styrkismettur sum nummar 9 sambært tilmeldingartíðunum, sum akkurát ikki hevði verið nokk til finalupláss.
Continue reading Pál í 400 frí finalu í Canet
Startlistin er nú klárur til Mare Nostrum stevnuna í Canet, 12. og 13. juni, har vit millum annað síggja at Pál hevur bestu tilmeldingartíð í 800 metra frí.
(Kappingarhylurin í Canet. Jón Bjarnason eigur myndina)
Føroyska luttøkan er rættiliga stór í Canet, við tað at har umframt Pál eisini luttaka tey 5 á føroyska EJM-landsliðnum, og teir báðir Magnus Jákupsson og Frans Johannesen sum svimja fyri danir.
Á føroyska EJM-landsliðnum eru Victoria Wigant Eysturdal, Ásbjørg Hjelm og Alvi Hjelm úr Ægir, Óli Mortensen úr Havnar Svimjifelag og Eyðbjørn Joensen úr Suðuroyar Svimjifelag.
Pál hevur bestu tilmeldingartíð í 800 metra frísvimjing, og 9. bestu í 400 metra frí.
Continue reading Pál kann vinna gull í Canet
Teir tríggir Pál Joensen, Magnus Jákupsson og Frans Johannesen royndu seg aftur í dag á Mare Nostrum stevnuni í Monaco, í greinum sum í øllum førum hjá Páli og Magnusi eru á greinsuni til at vera sergrein.
Pál varð við tíðini 1:52.61 nummar 22 í 200 frí, Magnus varð við tíðini 2:11.88 nummar 30 í 200 rygg, og Frans varð við tíðini 1:56.26 nummar 53 í 200 frí.
Continue reading Lakari úrslit í Monaco í dag
Magnus Jákupsson svam seg í morgun víðari til finalu á Mare Nostrum stevnuni í Monaco, tá ið hann í 50 metra ryggsvimjing svam teinin uppá 26.59 og 12. bestu tíð. Tey brúka okkurt slag av ‘útskiljings-kapping’ í finalunum, tí har eru bæði áttandaparts, fjórðings- og hálv-finalur, áðrenn endaligu finaluna nú seinnapartin.
Continue reading Magnus og Pál í finalu á Mare Nostrum í Monaco
