Tag: Pál Joensen

Pál, Magnus og Frans royna seg í Monaco

Hetta vikuskiftið verður stór svimjistevna í Monaco, har Pál Joensen, Magnus Jákupsson og Frans Johannesen eisini skulu royna seg.

Talan er um fyrsta lið í sonevndu Mare Nostrum stevnunum, sum eru millum best dámdu stevnur hjá svimjarum á heimsstøði at brúka sum fyrireiking til komandi meistarastevnur.

Komin til Monaco

Pál skal royna seg í 200 og 400 metra frísvimjing, Magnus í 50, 100 og 200 metra ryggsvimjing, og Frans í 100, 200 og 400 metra frísvimjing.

Av hesum hevur Pál besta møguleika at røkka A-finalu í 400 metra frísvimjing, og Magnus hálvfinalu í 50 metra rygg.
Continue reading Pál, Magnus og Frans royna seg í Monaco

Samandráttur av føroyskum úrslitum á Bergen Swim Festival 2014

So er Bergen Swim Festival 2014 avgreitt, og teir tríggir Pál Joensen, Magnus Jákupsson og Frans Johannesen stóðu seg bara væl. Tilsamans 9 finalur bleiv tað til, tær 12 ferðir teir luttóku, og sum heild svumu teir betri enn sína styrkismeting.

Pál vann gull í 400 frí, meðan Magnus vann silvur í 50 rygg, og bronsu í 100 og 200 rygg.

Fyri tey sum ikki vita tað, so er Pál einasti veruligi føroyski svimjari millum hesar, meðan hinir báðir svimja fyri Danmark. Men við tað at teir allir uppá aðrar mátar eru at rokna sum føroyingar, fylgja vit við 🙂

(Magnus, Frans og Pál á Danish Open 2012. Jákup Jacobsen eigur myndina)
Continue reading Samandráttur av føroyskum úrslitum á Bergen Swim Festival 2014

Pál Joensen 3:45.45 og gull í 400 frí á BSF 2014

Pál Joensen vann í dag gull á Bergen Swim Festival 2014, tá ið hann í 400 metra frísvimjing svam teinin uppá 3:45.45. Danski Anton Ørskov Ipsen vann silvur við 3:45.90 og norski Henrik Christiansen bronsu við 3:46.05. Frans Johannesen varð nummer 5 við tíðini 4:01.15. Pál vann fyri viku síðani 400 metra frísvimjing á Føroyameistarastevnuni 2014 við tíðini 3:48.17, so hetta í Bergen var væl skjótari.

Pál og Frans nr 6 og 7 í 200 frí á BSF 2014

Pál Joensen og Frans Johannesen luttóku fyri løtu síðani í finalu í 200 metra frísvimjing á Bergen Swim Festival 2014, og vórðu teir har ávikavist nummar 6 og 7 við tíðunum 1:49.77 og 1:49.84. Tað var ein rættiliga tøtt finala, har vinnarin Daniel Steen Andersen úr Danmark vann við tíðini 1:48.03, og silvur og bronsu so fóru til danska Daniel Skaaning á 1:48.09 og svenska Simon Sjödin á 1:48.60.

Pál 3:52.68 og skjótastur í innleiðandi 400 frí á BSF 2014

Pál Joensen svam seg lættliga víðari til finalu í 400 metra frísvimjing á Bergen Swim Festival 2014, tá ið teir í morgun avgreiddu innleiðandi riðlarnar. Hann hevði nevniliga klárt skjótastu tíð 3:52.68, har nummar 2 og 3 av seniorunum vóru donsku Sebastian Ovesen á 3:57.90 og Anton Ørskov Ipsen á 3:58.84. Frans Johannesen hevði fjórskjótastu innleiðandi tíð 3:59.03. Millum hesar lá eisini juniorurin Henrik Christiansen, við 3:56.32.

Pál og Frans víðari til finalu í 200 frí á BSF 2014

Pál Joensen og Frans Johannesen kvalifiseraðu seg báðir til finalu á Bergen Swim Festival 2014, tá ið innleiðandi riðlarnir í 200 metra frísvimjing vóru nú seinnapartin. Pál hevði triðbestu tíð 1:50.36 og Frans 6. bestu 1:51.86, meðan skjótasti var danski (og í løtuni forkølaði) Daniel Skaaning á 1:49.29. Kappingin í 200 frí var sum heild dominerað av føroyingum og dønum, nú eisini donsku Daniel Steen Andersen og Anton Ørskov Ipsen vóru millum teir 7 sum kvalifiseraðu seg til finaluna í morgin.

Pál 1:03.14 og víðari til finalu í 100 bringu á BSF 2014

Pál Joensen svam seg fyri løtu síðani víðari til finalu á Bergen Swim Festival 2014, tá ið hann í 100 metra bringusvimjing svam teinin uppá 1:03.14. Hetta er bara 14 hundraðpartar frá føroyska metinum hjá honum á 1:03.00. Estiski Martti Aljand svam skjótastu tíð 1:00.63, Pál var sættskjótastur, og ‘spakuligasti’ av teimum sum sloppu í finalu var norski Jørgen Scheie Bråthen, sum svam teir 100 á 1:04.28.

Pál, Frans og Magnus til Bergen Swim Festival 2014

Árliga Bergen Swim Festival byrjar í morgin, við luttøku av altjóða stjørnum sum til dømis suðurafrikanska Cameron van der Burgh, ungarsku Daniel Gyurta og Katinka Hosszu, og føroyinginum Pál Joensen. Danir hava ein rættiliga stóran hóp eisini, av landsliðssvimjarum og úr sonevnda ‘Great Danes’ hópinum, har eisini Frans Johannesen og Magnus Jákupsson teljast ímillum.

(Magnus, Frans og Pál á Danish Open 2012. Jákup Jacobsen eigur myndina)
Continue reading Pál, Frans og Magnus til Bergen Swim Festival 2014

Pál, Óli og Alvi dominera listan yvir bestu avrik á FM 2014

Um vit hyggja at hægstu FINA stigum á FøroyaMeistarastevnuni 2014, so eru tað serliga teir tríggir langteinararnir sum gjørdu vart við seg: Pál Joensen (1990) úr SuSvim, Óli Mortensen (1996) úr Havnar Svimjifelag og Alvi Hjelm (1996) úr Ægir.

(Alvi, Pál og Óli aftaná ein av longru teinunum á FM 2014)
Continue reading Pál, Óli og Alvi dominera listan yvir bestu avrik á FM 2014