Her er eitt innslag úr ítróttarsendingini 3-2 hjá Kringvarpi Føroya hin 18. november 2013, har tey tosa við Pál Joensen og avstralska venjara hansara Shannon Rollason, um útlitini nú upp undir EM á stuttgeil í Herning hin 12. til. 15. desember 2013. Verturin tosar eisini um úrslitini hjá Páli og Alva og Magnusi á DM á stuttgeil 14. – 17. november 2013, og um tað at Magnus fer at umboða Danmark á EM í Herning.
Tag: Pál Joensen
Magnus, Pál og Frans víðari til finalu seinnapartin
Aftur nú seinnapartin verða føroyingar at síggja í finalu, á donsku meistarastevnuni á stuttgeil. Magnus Jákupsson fær út at gera, tí hann hevur bestu tíð í 100 rygg, nú aftaná innleiðandi riðlarnar, og síðani næstbestu í 50 firvald bara eina kapping seinni. Frans Johannesen hevði næstbestu tíð 1:49.07 í innleiðandi 200 frí, og Pál Joensen har sjeyndbestu 1:49.66. Hetta er síðsti dagur á donsku meistarastevnuni, finalurnar byrja klokkan 16 føroyska tíð, og fylgjast kann við her á livetiming. DR hevur stroymað frá øllum finalum, men tað var feilheft í fyrstuni, og er eftir øllum at døma avmarkað til bara at kunna síggjast í Danmark.
Pál 14:41.17 og silvur á DM á stuttgeil, Alvi danskur juniormeistari
Teir báðir Pál Joensen og Alvi Hjelm royndu seg fyri løtu síðuni í 1500 metra frísvimjing, á donsku meistarastevnuni í Gladsaxe, og gekk tað bara heilt væl. Pál lá leingi og førdi, faktiskt allan vegin upp til gott og væl 1300 metrar, tá ið hann var 2 sekund frammanfyri næstskjótasta Mads Glæsner. Men so gjørdi Glæsner eitt ordans vørr, so at hann tók 1 sekund per 100 metrar, og akkurát vann á Páli við 14:41.10 ímóti 14:41.17. Sí úrslitalistan her
(Pál og Alvi á DMK 2013. Jákup Jacobsen eigur myndina)
Alvi Hjelm bleiv í sama riðli nummar fýra, við óføru tíðuni 15:37.82, sum merkir av hann vegna sín unga aldur bleiv danskur meistari í eisini hesi greinini, afturat sínum juniormeistaraheiti í gjár í 800 frí. Sí úrslitalistan fyri juniorar her.
Pál danskur meistari í 800 frí, Alvi danskur juniormeistari
Føroyingar tóku tað heila, nú finalan var í 800 metra frísvimjing á donsku meistarastevnuni á stuttgeil, sum danska svimjisambandið skipar fyri í Gladsaxe á Sælandi. Pál Joensen vann nevniliga yvirbevísandi í fínu tíðini 7:44.49, og Alvi Hjelm tók líka yvirbevísandi silvurið og samstundis danska juniormeistaraheitið, við 8:08.37. Fyrsti dani var Laust Moesgaard úr Herning, sum svam teinin uppá 8:12.64. Besta tíð hjá Páli er hansara norðurlendska met á 7:36.24 frá landsdystinum ímóti USA í Atlanta í 2011, meðan besta tíð hjá Alva áðrenn hetta var hansara 8:20.33 frá donsku liðkappingini í apríl 2013. Sí úrslitalistan í seniorkappingini nú á DM her, og tann í juniorkappingini her.
Felagið í Esbjerg hevur filmað og lagt hetta út
Pál gull og silvur á Aalborg Cup 2013
Pál Joensen luttók her um vikuskiftið á Aalborg Cup 2013, og vann hann har ikki óvæntað gull í 400 metra frísvimjing (3:51.89), umframt at hann vann silvur í 200 bringu (2:18.38) og silvur í 200 firvald (2:02.10). Og so fekk hann heilsað uppá Harald 🙂
Pál og Magnus gull á eysturdonsku meistarastevnuni á stuttgeil
Teir báðir Pál Joensen og Magnus Jákupsson vunnu sær hvør sítt gull á eysturdonsku meistarastevnuni á stuttgeil, tá ið Pál í 800 frí svam teinin uppá 7:52.68, og Magnus 100 rygg uppá 52.62. Tíðin hjá Pál er nakað væl frá hansara bestu tíð á 7:36.24 frá Duel in the Pool stevnuni í USA í 2011, meðan tíðini hjá Magnusi er persónligt met við éinum hundraparti, í mun til hansara 52.63 frá Swedish Swim Games herfyri. Pál varð hartil nummar 4 í 200 frí, við tíðini 1:49.14, har hansara besta tíð er 1:46.61 frá EM í Rijeka í 2008, og 1:47.56 uttan superdrakt.
(Jákup Jacobsen eigur myndina, frá DM á langgeil í vár)
Astrið Foldarskarð og Markus Joensen royndu seg eisini í dag, fyri felagið VAT sum tey skiftu til her við svimjiársbyrjan. Astrið var í finalu í 50 frí og firvald, har hon í 50 frí varð nummar 5 við tíðini 26.92, og í 50 firvald nummar 6 við tíðini 29.09. Markus varð nummar 10 í 50 firvald við tíðini 26.37, og so seinni kolldømdur í 100 blandað fyri at svimja meira enn 15 metrar undir vatni. Astrið varð eisini nummar 7 sum partur av stafettini hjá VAT í 4×50 blandað, og Markus nummar 6 fyri somu stafett hjá monnum.
Pál 3:47.57 og gull á eysturdonsku meistarastevnuni á stuttgeil
Pál Joensen vann sær í kvøld gull í 400 metra frísvimjing fyri menn, tá ið hann á Østdanske Kortbanemesterskaber í Farum svam teinin uppá 3:47.57, frammanfyri Anton Ørskov Ipsen á 3:48.35 og Marcus Krøyer Svendsen á 4:02.71. Besta tíð nakrantíð hjá Páli er 3:40.12 frá tíðini við superdraktum afturi í 2009, og 3:41.05 í tí sum er loyvt í dag. Astrið Foldarskarð svam seg víðari til finalur bæði í 50 frí og firvald, tá ið hon í 50 frí svam sjeyndbestu tíð 27.09, og í firvald sættbestu tíð 28.58. Markus Joensen svam 10. bestu tíð 26.16 í 50 firvald, og 13. bestu tíð 30.54 í 50 bringu.
Liðini avdúkað til Europe vs USA 2013 Duel in the Pool
Sum fyrr nevnt verður tað aftur í ár skipað fyri ‘landsdysti’ millum USA og eitt evropeiskt All-Star lið, hesuferð í Glasgow hin 20. og 21. desember 2013. Bretsku vertirnir hava nú avdúkað liðini, sum telja millum annað Ryan Lochte, Tyler Clary, Jessica Hardy og Katie Ledecky fyri USA, Florent Manaudou, Yannick Agnel, Ranomi Kromowidjojo og Mireia Belmonte fyri Evropa, og so eisini okkara Pál Joensen.
Norðurlond verða bara umboðað av donsku Lotte Friis og Jeanette Ottesen, svensku Michelle Coleman og so Pál sum mannliga, norðurlendska umboðið, men bretski landsliðsvenjarin Bill Furniss heldur tó so at hetta er ein hin sterkasta manningin sum Evropa hevur haft, hesi árini sum fyriskipað hevur verið fyri slíkum holmgongum.
“The European Allstars features by far the strongest line up we’ve ever seen in what will be the third of these exciting biennial events,” said Furniss.
“Both teams include a multitude of Olympic and World champions and medallists, and therefore the head-to-head promises to be a dramatic encounter.
“The USA are sending a very strong team so the challenge facing the Europeans will be immense but it will provide a great spectator event at the home of next year’s Commonwealth Games.”
Continue reading Liðini avdúkað til Europe vs USA 2013 Duel in the Pool
Video: 800 frí finalan hjá monnum á HM í Barcelona 2013
Norðmenn eru raskir at leggja út … her er finalan í 800 metra frísvimjing fyri menn á heimsmeistarastevnuni í Barcelona. Pál Joensen er á geil 7, sum er næstlongst burturi frá videotólinum.
Prát við Pál aftaná HM-finalu í 1500 frí á BCN2013
Pál Joensen setur her nøkur orð á hvussu hann upplivdi finaluna í 1500 metra frísvimjing á heimsmeistarastevnuni 2013 í Barcelona.