Jón Bjarnason bleiv spurdur í Sosialinum í gjár, um vit kundu vænta meira gull. Jón segði, at av tí at Pál setti hinar uppá pláss í 200 frí, sum er veikasti teinurin hjá honum, so kundu vit vænta okkum meira frá honum í 400 og 800 m:
“- Hann skal nokk smyrja teir av, um ikki eitt klaver dettur niður á nakkan á honum í nátt.”
Rókur hevur sent nøkur SMS-boð til svimjing.com:
“Áslakur [Nesá] og eg vóru í fylgibilinum á teimum 120 km hjá súkklarunum týsdagin (hyyyleskegir 4 tímar, um enn vit vóru móðir aftaná). Vit vóru fyrst hjá Eli tá ið hann datt, og annars ‘á rætta stað’ tá Gunnar og Bogi høvdu brúk fyri vatn. Ikki so lætt at passa sítt pláss í peleton samstundis sum man skal ansa eftir ikki at koyra súkklarar niður. Og ræðandi at koyra við 60-80 km/t oman gjøgnum brekkur við skelti á 20-40 km/t. Over stok og sten, sum man sigur.
Umstøðurnar eru ikki altíð tær bestu á Rhodos. Vit hava hoyrt um varmablásarar í borðtennishøllini og um ein hálvlidnan vøll. Tað ganga fleiri slíkar søgur á Rhodos.
Í rennikappingini týskvøldið gloymdu dómararnir at ringja fyri síðsta umfarinum við tí úrsliti, at summir rennarar stegðaðu, aðrir hildu áfram, og eisini hálaðu fyristøðufólk teir aftastu rennararnar av breytini.
Trygdin er eisini so sum so á Rhodos.
Málini í bogaskjóting standa framvið einari gongugøtu, ið ikki er avbyrgd fyri ferðslu. Tað hóvar ikki borgarstjóranum í Rhodos at stongja gøtur. Tí mátti súkklurutan flytast út um býin í síðstu løtu. Tíverri náddu tey ikki at seta skeltir upp allastaðir á rutuni, ið elvdi til, at nakrir súkklarar koyrdu skeivan veg.
Skjótikappingin var eisini tarnað av vánaligari fyriskipan.
Betongpláturnar, ið vóru settar upp rundan um vøllin sum girðing, vóru í so vánaligum standi, at tær duttu niður og tí máttu umvælast - meðan kappingin var í gongd!
Størsti trupulleikin sigst at vera tørvurin á bussum. Skjúttar úr Gotlandi náddu ikki at vera við í teimum fyrstu skjótikappingunum, tí teir fingu ongan flutning.
Nú skulu fyriskipararnir ikki hava skuldina í øllum, sum gongur galið á Rhodos, men meðan okkara stakkals svimjarar verða etnir av mýggjabitum, berjast triatletarnir við ovurstórar kakkulakkar.
Kappingarhylurin á Rhodos er so mikið skeivur, at geil 1 er 10 cm styttri enn geil 8. Tað vil siga, at munurin gerst 6 metrar á 1.500 m teininum. Hylurin er so mikið yvirgrógvin við algum, at ein svimjari hevur ríslað á botnin: “Isle of Man woz here”.
Matthew Price skrivar í sínum bloggi, at hóast fólkini á Rhodos eru sera fitt og hjálpsom, hava tey als ikki skilt, hvat skal til fyri at skipa fyri einum slíkum tiltaki.
Svimjarir úr Jersey skulu hava so nógv heiðursmerki sum møguligt, “tí hjá okkum ræður um at vinna á Guernsey”. Soleiðis segði Emma Glendenning í eini samrøðu stutt undan leikunum.
Sjálv var hon við til at tryggja Jersey tvær bronsur í ávikavist 50 m blandaðu stafettini og 100 m blandaðu stafettini hjá kvinnum. Báðu ferðirnar vunnu tær á Guernsey. Ella sum Andrew Blake sigur: “Beating Guernsey is always a must.”
Liðleiðarin hjá Jersey, Neil Faudemer, metir Guernsey, Isle of Wight og Isle of Man sum vandamiklastu kappingarneytarnar hjá Jersey í svimjing.
Fyribils støðan í svimjing er annars:
Continue reading Jersey ætlar at vinna á Guernsey í svimjing
Rókur lat væl at fríggjadagin, tá tey vóru komin uppá pláss á Rhodos, men tað var stokkut gleði, tí longu leygardagin vóru tey noydd at flyta aftur. Fyriskiparnir hava so dyggiliga kludrað í tí. Tað er óvist um Rókur finnur ein nýggjan netveitara.
Ímeðan vit bíða eftir at hoyra frá føroyingunum á Rhodos muga vit lána tilfar frá øðrum keldum.
Veðrið á Rhodos er gott. Tey hava 30 hitastig og bakandi sól. Súkklarar úr Jersey hava roynt kappingarteinin, ið er 120 km langur við brekkum upp í 10% hall (hallið niðan á Eiðisskarð úr Funningi er í miðal 6,8%). Tíbetur eru tey lokalu fólkini fús í at koma við eina kalda, hjálpandi hond.
Vónandi finna Rókur og Ottar ókeypis tráðleyst net her, so vit kunna fáa fersk tíðindi teimum. Continue reading Meðan vit bíða…
Í samrøðu í Útvarpi Føroya í gjár, nevndi formennirnir hjá Flogbóltssamband Føroya og Svimjisamband Føroya møguleikan fyri at gevast við luttøku á Oyggjaleikum, hóast góð úrslit. Hetta serliga tí at luttøkukostnaðurin bara veksur, so at Flogbóltssambandið til dømis mátti gjalda 400.000 krónur fyri luttøku á Oyggjaleikunum í Hetlandi; hóast teir leikirnir kanska áttu at verið teir bíligastu, tá ið man hugsar um frástøðuna úr Føroyum.
Isle of Man búgvar 