Nú januar er um at vera liðin, kunnu vit staðfesta at tað til nú í ár eru sett 12 nýggj føroysk met og 17 føroysk juniormet, ella 29 met tilsamans, harav suðuroyar eiga øll uttan tvey. Stóri spurningurin er, um vit ikki longu nú síggja effektina av nýggju Pálshøll, og kunnu vænta at tey renna enn meira frá restini, tess longur vit koma út á árið.
Continue reading Nú renna suðuroyingar frá restini, vegna Pálshøll
Her er eitt yvirlit yvir heiðursmerki og met til føroyingar á Reykjavik International Games 2016. Saman um tikið vórðu eini 9 føroysk met og 14 føroysk juniormet sett á stevnuni, umframt at Sára R. Nysted setti stevnumet í 200 blandað. Í opna bólkinum vunnu føroysku svimjararnir eini 6 gullheiðursmerki, 9 silvur og 7 úr bronsu, meðan vit í yngra bólkinum vunnu 3 gull, 5 silvur og 5 bronsu. Og so vann Frans Johannesen 4 gull og 1 silvur.
Nú er svimjistevnan liðug á Reykjavík International Games 2016, og tað hevur verið eitt ball hjá føroyingunum líka frá byrjan til enda. Nú seinnapartin fingu vit eini trý nýggj føroysk met og trý nýggj føroysk juniormet afturat, umframt at svimjararnir sær enn fleiri heiðursmerki.
Continue reading Heiðursmerki og met eisini síðsta part av RIG 2016
Róland Toftum úr Suðuroyar Svimjifelag vann fyri løtu síðani gull í 200 metra bringusvimjing á Reykjavík International 2016, í stórum stíli við nýggjum føroyskum juniormeti á 2:23.72. Rókur Trygvason úr Ægir vann silvur við 2:31.42, og Hugin N. Lave og Rani Jacobsen úr Suðuroyar Svimjifelag vóru ávikavíst nr 6 og 8 við 2:39.32 og 2:58.52. Róland átti sjálvur juniormetið á 2:29.49, frá somu stevnu í fjør. Sí úrslitalistan her.
Sára Ryggshamar Nysted úr Suðuroyar Svimjifelag setti fyri løtu síðani stórt nýtt føroyskt met og juniormet í 200 metra ryggsvimjing á langgeil, tá ið hon í A-finaluni á Reykjavík International 2016 vann silvur við tíðini 2:18.11. Sára átti sjálv føroyska metið á 2:19.29, frá HeimsMeistarastevnuni fyri Juniorar í Singapore í fjør. Sí úrslitalistan her
Róland Toftum úr Suðuroyar Svimjifelag setti fyri løtu síðani stórt nýtt føroyskt met og juniormet í 50 metra bringusvimjing á langgeil, tá ið hann á svimjistevnuni á Reykjavík International Games 2016 vann gull við 30.03. Hann átti sjálvur føroyska metið og juniormetið á 30.45, frá innleiðandi riðlunum fyrradagin. Sí úrslitalistan her
So er fjórði partur avgreiddur á Reykjavík International Games 2016, og føroyskir svimjarar hava aftur vunnið heiðursmerki, sett met og svomið seg í finalurnar seinnapartin.
Continue reading Finalupláss, met og heiðursmerki aftur í morgun á RIG 2016
Sára Ryggshamar Nysted úr Suðuroyar Svimjifelag svam seg fyri løtu síðani til stórt nýtt føroyskt met og juniormet í 200 metra blandaðari svimjing á langgeil, tá ið hon á Reykjavík International Games 2016 svam teinin uppá 2:33.76.
Ein skjót upplisting av metum og heiðursmerkjum til nú hjá føroysku svimjarunum á Reykjavík International Games 2016.
Tað sær út til at føroyingarnir til nú hava sett 1 stevnumet á RIG, 5 føroysk met og 9 føroysk juniormet. Hartil hava vit í opnu kappingini vunnið 4 gull, 5 silvur og 2 bronsur. Og í yngra bólkinum hava vit til nú vunnið 2 gull, 2 silvur og 5 bronsur. Tilsamans 20 heiðursmerki.
Og hartil hevur Frans Johannesen vunnið 3 gull.
So er fyrsti veruligi finalupartur avgreiddur á Reykjavík International Games 2016, og føroysku svimjararnir hava fingið bæði í posa og sekk. Sára setti føroyskt met og juniormet í 200 blandað og 200 frí, og Signhild føroyskt met og juniormet í 100 rygg, umframt at Róland setti juniormet í 100 bringu. Og her vóru nógv heiðursmerki.
