Tag: rijeka 2008

ØLL BETRAÐU SEG, OG PÁL SETTI FØROYSKT MET

Nú fyrsti dagur er farin afturum, á evropeisku stutthyljameistarakappingini í Rijeka í Kroatia, er tíð til at gera status.

Fyri Føroyar luttóku í dag Kári J. á Høvdanum í innleiðandi 100 firvald, Pál Joensen í innleiðandi 400 frí, og Shaila millum Garðarnar í innleiðandi 100 frí. Øll betraðu tey seg rættiliga fitt, og Pál var hartil bara 0.80 sekund frá finaluplássi, í kapping har hann var bara 9 hundraðpartar aftanfyri heimsmeistaran frá HM í Manchester í apríl í ár.

Tíðirnar vóru

– Kári J. á Høvdanum, 100 firvald, 58.27 sekund (Pál eigur føroyska metið á 56.52 sekund)
– Pál Joensen, 400 frí, 3:42.57 sekund (føroyskt met)
– Shaila millum Garðarnar 58.21 (Elspa eigur føroyska metið á 57.41)

Nakrar viðmerkingar frá venjarunum

Petur Heðin á Fløtti segði um teir 100 firvald hjá Kára, at Kári royndi seg við einari nýggjari drakt í dag, sum vísti seg ikki at rigga so væl at sparka firvaldaspark við á búkinum. Men teir royndu hana løtu seinni í avsvimjingarhylinum, har Kári svam rygg, og tá var hon nógv betri. Altso kunnu vit rokna við at síggja hann svimja í henni í 50 rygg í morgin.

Jón Bjarnason um Pál í 400 metur frí: “Ein góð tíð, men enn einaferð vísti hann at hann kann svimja skjótari. Hann hevði snøgt sagt alt ov nógv eftir, síðstu metrarnar”

Jón Bjarnason um Shailu í 100 frí: “Hon legði hart út og kom væl frá byrjan, og lá eina løtu fremst í riðlinum, fyri síðani at troyttast í so nógv teir seinastu 25 metrarnar. Men alt í alt ein góð tíð.”

Sigast skal, at kappingin her er avbera hørð. Vit hava mist tal á evropeisku metunum og evropeisku stevnumetunum, men her var til dømis sett heimsmet í 50 frí og tríggjar ferðir í 4×50 blandað, umframt at bæði í innleiðandi og í finaluni svumu trý lið undir gamla heimsmetið frá HM í Manchester og síðani frá innleiðandi partinum í morgun. Í 400 frí var breiddin væl hægri enn nakrantíð fyrr, til eitt EM, har kravið at koma í finalu var hægri enn á heimsmeistarastevnuni í Manchester í apríl í ár. Var Pál komin í finaluna, so var kappingin so jøvn at hann væl hevði kunnað endað við einum heiðursmerki um hálsin.

Í morgin er føroyska luttøkan Kári J. á Høvdanum í 50 rygg og Mona Simonen í 800 frí.

Við svimjikvøðu

Rókur í Jákupsstovu
Rijeka

Svimjarar royna yvirhøvur at taka tað so róligt sum gjørligt í innleiðandi riðlunum, um teir bara eru nøkulunda vísir í at koma víðari til finalurnar. Men eg veit ikki, í morgun setti fyrst franski Amaury Leveaux evropeiskt met við 20.80 í 50 frí, síðani russika Valentina Artemyeva evropeiskt met við 29.83 í 50 bringu, hálendska Marleen Veldhuis evropeiskt met við 51.91, og at enda fyrst italiumenn og síðani russar heimsmet í 4×50 blandað við ávíkavist 1:34.01 og 1:33.77. Og við tað at eisini franskmenn vóru skjótari enn heimsmetið frá í morgun av, so verður tað so gott sum garanterað heimsmet aftur í kvøld.

Vit eru øll farin upp kl lort í morgun, og Jón Bjarnason og eg fóru so við bussinum kl 06:30 lokala tíð, at tryggja okkum sitipláss. Og gott tað sama, tí her ganga menn og flyta stólamerkini longur burtur, hjá teimum sum ikki eru møtt enn. Vit sita tískil nú ikki sama Serbia, Kekkia og Luxembourg, men saman við Fraklandi. Gentan her til høgru er tiltikna Laure Manaoudou, sum opinbart eisini mátti tíðliga upp í dag.

Far á www.svimjing.com/live – ella trýst á LIVE uppi í høgra horni her – til at síggja ‘live’ tilfar frá EM savnað á éinum stað! Vit senda úr svimjihøllini, í tíðarskeiðunum 7-11 og 14-17, hvønn dag til og við sunnudagin.

Um síðan her skuldi hildið uppat at rigga, so koyrir okkara ‘live streaming’ víðari á “svimjing” rásini á www.kyte.tv. Goymið tykkum tí leinkið http://www.kyte.tv/ch/177632-svimjing

Vanligar fotomyndir hjá okkum frá Rijeka kunnu síggjast her á Flickr, og vit hava eisini onkrar videoir á svimjing.blip.tv. Legg eisini til merkis, at til ber at hyggja at øllum okkara farnu sendingum her á Kyte.tv, ella við at blaða í Kyte-spælaranum sjálvum.

Gev gætur, at alt okkara tilfar er vart við copyright. Spyr tí fyrst, og vís altíð til kelduna.

Um tit vilja í samband við okkum, so send SMS til mín á +298 597559. Telefonin svarar ikki meðan kappast verður, tí eg tá filmi og havi sett á ljóðleyst.

Rókur í Jákupsstovu,
Rijeka

So nú eru ein rúgva av videoinnsløgum her á Kyte.tv. Tað gongur avbera skjótt at senda upp beinleiðis frá fartelefonini, so tit kunnu nú vænta tykkum nógv meira 🙂

Continue reading Nú riggar at senda upp á Kyte.tv

Soleiðis, nú eri eg í pressurúminum hjá LEN, og havi harvið endiliga funnið brúkiligt internet. Tað vil siga, eg havi ikki fingið tráðleysa sambandið at rigga enn, men LAN riggar so fínt. Svimjararnir eru farnir at svimja túrin av sær, og aftaná tað skulu vit so út at finna onkur skiftiklæðir til teirra, og serliga Jón.

Rókur ringdi kl 21 fø. tíð og segði, at tey vóru umsíðir komin til Zagreb, har tað er kalt (frystir). Ein ‘guide’ bíðaði tolin eftir teimum, tá tey komu. Hesuferð hava øll hini uttan Rókur (og Petur Heðin) mist viðførið. Ella tað vil siga, at kuffertini standa enn í Frankfurt og koma eftir ætlan í morgin. Tó hava okkara fólk lært av fadesuna í Beograd, tí tey hava fingið sær trygging mótir mist/gloymt viðføri. Lagið av annars gott í Kroatia, skilti eg á lagnum. Í morgin fara tey í býin at keypa neyðsynjarvørur.

Rókur hevur stríðst við at fáa nøkur videobrot á netið.

Her lenda tey í Kastrup:

Bomm ella kort….
Continue reading Nøkur videobrot frá túrinum

Flogfarið til Zagreb er fyribils seinkað í 50 minuttir, og tað verður tí fyrst kl 18:10 týska tíð at vit flúgva víðari. Annars eru øll við gott mót – har vóru onkrar droyar konur í flúgvaranum sum ikki vildu lovað okkum at spæla Yatzi, men annars er alt heilt hampuliga ókey. Eg havi fyribils sent onkrar videoir upp á svimjing.blip.tv, av tí at her eru ávísir trupulleikar við at senda til Kyte frá fartelefonini (les: aalt for drúgv mannagongd til at keypa internet her í Frankfurt).

Continue reading Komin til Frankfurt

Offisiella kontakt-telefonnummarið er 597559, hjá okkum sum eru til EM í Kroatia. Og tað er so undirritaði Rókur sum svarar, við tað at eg sum kunnugt eri ferðaleiðari á túrinum. Umhugsið tó vinarliga, um tit kunnu noyðast við at senda eitt SMS fyrst, við tað at tað kostar nógv at brúka føroyska telefon í Kroatia.