Tag: Roma 2009

Týskarar vóru so ovurfegnir um at Biedermann vann á Phelps, at teir ikki ordiliga hugsaðu um hvar teir stóðu…

Ryan Lochte úr USA tók metið frá Michael Phelps í 200 blandað, nú hann svam teinin í tíðini 1:54.10, har metið hjá Phelps frá OL í Beijing var 1:54.23. Hetta var í eini Speedo LZR. So setti kanadiska Annamay Pierse heimsmet í hálvfinaluni í 200 bringu, tá ið hon svam teir 200 uppá 2:20.12, har heimsmetið hjá Rebeccu Soni frá OL í Beijing var 2:20.22. Síðani gjørdist Cesar Cielo Filho fyrsti maður undir 47 sekund í 100 frí, tá ið hann í eini Arena X-Glide svam teinin uppá 46.91 sekund, har heimsmetið hjá avstralska Eamon Sullivan var 47.05. í 200 firvald setti avstralska Jessicah Schipper heimsmet við tíðini 2:03.41, har heimsmetið hjá Mary Descenza frá í gjár var 2:04.14. Í fyrru hálvfinalu av 200 bringu setti avstralski Christian Sprenger heimsmet við tíðini 2:07.31, har heimsmetið hjá Kosuke Kitajima var 2:07.51. Í 50 rygg setti Jing Zhao nýtt heimsmet við tíðini 27.06, har heimsmetið hjá Anastasia Zueva frá hálvfinaluni í gjár var 27.38. Og at enda settu kinesisku kvinnurnar nýtt heimsmet í 4×200 frí, við tíðini 7.42.08, har gamla heimsmetið var 7:44.31, hjá Avstralia frá OL í Beijing í 2008.

Fjølmiðlafólk hugnaðu sær her í pausuni við at kappast um “The OMEGA Trophy for Journalists”, har tey hvør sær skulu áseta sær onkra tíð í 50 metra frí, og so royna at raka so nær henni sum gjørligt. Opinbart ein endurtakandi kapping, við steypi og øllum, og við luttakarum sum eru meira ella minni seriøsir.

Continue reading Fjølmiðlarnir hugna sær í pausuni

Fráboðan frá formanni SSF:

Svimjinevndin hevur í dag tikið avgerð um, at tað sjálvandi skal verða ein onnur kravtíð til juniormet á longum hyli enn í stuttum hyli.

Kravtíðirnar fyri juniormet á í longum hyli verður sostatt listin sum er kunngjørdur +2%. Hesin listi fær samam gildistíð sum hin listin, t.e. 1. september 2008.

Harvið hevur Birita Debes sett trý juniormet á hesi heimsmeistarastevnu. Fyrst við 1:10.30 í 100 rygg, har kravtíðin til juniormet er umleið 1:11.06. Síðani við 32.27 í 50 rygg, har kravtíðin til juniormet er umleið 32.66. Og síðani við 1:03.10 í 100 frí, har kravtíðin til juniormet er umleið 1:03.17. Eg sigi ‘umleið’, tí at eg ikki kenni offisiellu hundraðpartarnar enn.
Continue reading SSF avgjørt at linka um kravtíðirnar til juniormet í 50 metra hyli

Shaila millum Garðarnar setti í morgun føroyskt met í 100 frí, við tíðini 59.63, har metið hjá Elspu Mørkøre frá evropeisku juniormeistarastevnuni í 2006 á Mallorca var 59.64. Tilmeldingartíðin hjá Shailu var 1:00.25, so talan var um eina stóra betring, og fyrsta tíð hjá Shailu undir minuttin á langgeil. Birita Debes betraði eisini avbera nógv um sína bestu tíð, við at svimja 1:03.10 har besta tíð hjá henni áðrenn, frá Reykjavík International í januar, var 1:06.40. Møguliga juniormet, við tað at Kravtíðin til juniormet stendur at vera 1:01.93 á bæði stuttgeil sum á langgeil, og tí møguliga skal umroknast til 1:03.17. Samanlagt gjørdust Shaila og Birita ávíkavist nummar 90 og 124 av 161 luttakandi, har tær sambært tilmeldingartíðunum lógu til at gerast nummar 98 og 147.

Fyrst setti týska Daniela Samulski heimsmet í fyrru hálvfinalu av 50 rygg, við tíðini 27.39 har heimsmetið var 27.61. Síðani svaraði russiska Anastasia Zueva aftur við at seta heimsmet í seinnu hálvfinalu, við tíðini 27.38. Í 200 metra firvalda finaluni sorlaði Michael Phelps metið hjá sær á 1:52.03 sundur og saman, og gjørdist fyrsti maður undir 1:52, við tíðini 1:51.51, bara í Speedo LZR buksum. So betraði lokali favoritturin Federica Pellegrini um sítt heimsmet frá 200 metra frí hálvfinaluni, á 1:53.67, við at svimja seg undir 1:53, í tíðini 1:52.98. Og suðurafrikanski Cameron van der Burgh betraði somuleiðis um sítt heimsmet frá hálvfinaluni í gjár, við at svimja 50 bringu í tíðini 26.67, har hann í gjár svam 26.74. Og at enda knústi kinsiski Lin Zhang heimsmetið hjá Grant Hackett, við at svimja 7:32.12 har Hackett í 2005 svam 7:38.65. Tunesiski Oussama Mellouli var eisini undir heimsmetið hjá Hackett, við 7:35.27.