Tag: ssf

Aðalfundur hjá Svimjisambandi Føroya

DSC09952Svimjisamband Føroya hevði 25. mai 2013 sín árliga aðalfund, í ÍSF-húsinum í Gundadali. Á skránni var útyvir formansfrágreiðing og gjøgnumgongd av roknskapinum eisini val av nevndarlimum, har Jórun Eið Johannesen takkaði fyri seg eftir drúgva tænastu, og Anni á Hædd so varð vald sum skrivari í hennara stað. Undirritaði tók við afturvali sum næstformaður, og Jon Hestoy kunngjørdi at hetta er seinasta setan hjá honum. Aðalfundurin verður næsta ár í september, heldur enn mai, annars gekk prátið mest um reyðu tølini hjá Svimjisambandi Føroya, og um avbjóðingarnar hjá feløgum við MVG.

Formansfrágreiðingin er viðfest, sum út í æsir greiðir frá øllum tí manga sum hendi í farna ári.

DSC09940

SSF á rundferð 2013: FLOT

Starvsnevnd SSF var í gjár í Runavík og vitjaði FLOT, sum liður í árligu rundferðini til føroysku svimjifeløgini. Fundurin kom at minna nokk so nógv um tann í Leirvík, tí at feløgini eru so lík og tí at vit (ahem, ‘eg’) kanska tóku nakað nógv aftur í tað sum varð tosað um har. Men tað var ein áhugaverdur fundur fyri tað, við nógv látri og løgnum hugskotum eisini.

DSC08754
Continue reading SSF á rundferð 2013: FLOT

Bræv frá Svimjisambandinum

Í sambandi við fyriskipanina av stóru venjararáðstevnuni NEG 2012 í Norðurlandahúsinum í apríl, er formaðurin í SSF farin at nýta eina tíðindabrævaskipan kallað MailChirp, ið vit onnur nú eisini fáa ágoðan av. Her er fyrsta tíðindabræv frá Svimjisambandinum, við stubbum um ymiskt sum gongur fyri seg beint nú, og við einum hentum áminningarlista í høgru margu. Tit kunnu melda tykkum til her, um tit eru svimjiáhugaði 🙂

SSF á vitjan hjá Havnar Svimjifelag

Svimjisamband Føroya var í kvøld á vitjan hjá Havnar Svimjifelag í Gundadali, sum síðsta felag í røðini runt landið. Uppmøtingin var heilt góð, og framløgurnar eftirhondini so væl royndar at flestu spurningar vórðu svaraðir áðrenn áhoyrararnir í Havn fingu høvi at spyrja. Sum heild ein fínur fundur, har størsti trupulleiki í Havn tykist vera tær trongu umstøður sum tey hava at venja í.

DSC07735

Sørin og Jon greiða frá startinum í svimjing

Eitt lítið kut burtur úr vitjanini hjá Svimjisambandi Føroya hjá Suðuroyar Svimfelag í Vági hin 25. februar 2012, Jon Hestoy og Sørin S. Djurhuus greiða frá um mannagongdina runt start í svimjing, tvs. hvussu høvuðsdómarin floytar og gevur tekin til startaran og so framvegis. So seriøst sum teir nú einaferð klára 🙂

SSF á vitjan hjá Ægir í Klaksvík

Mikukvøldið 22. februar vitjaðu umboð fyri Svimjisamband Føroya svimjifelagið Ægir í Klaksvík, í røðini at koma runt til øll feløg í Føroyum. Tað varð enn ein fínur fundur, Svimjisambandið legði fyri við somu skrá sum í Fuglafirði, Leirvík og Runavík, og Ægir høvdu so hartil ein lista við ynsktum evnum at viðgera. Í mun til hinar tríggjar fundirnar snúddi hetta eyka seg nú rættiliga nógv meira um úrvalsarbeiði, av sjálvsøgdum orsøkum við tað at Ægir eigur so nógvar landsliðssvimjarar.

SSF vitjar Ægir í Klaksvík

SSF á vitjan hjá FLOT í Runavík

Mikukvøld var tað so FLOT sum stóð fyri tørni, á rundferðini hjá starvsnevnd og svimjinevnd SSF, at vitja føroysku svimjifeløgini. Í mun til í Fuglafirði og í Leirvík varð her meira tosað um teir svimjarar sum liggja beint uttanfyri landslið, við tað at støðan í føroyskari svimjing sum onkur tók til er rættiliga góð hvat teimum yngstu viðvíkur, og teimum bestu, men verri við teimum sum eru í millum hesar báðar hópar.

SSF á vitjan hjá Reysti í Leirvík

Mánakvøldið vóru umboð úr starvsnevnd og svimjinevnd SSF í Leirvík, at vitja Reysti sum liður í røðini runt Føroyar at vitja svimjifeløg. Tað varð ein fínur fundur, ið mest viðgjørdi viðurskifti runt teirra (yngru) aldursbólkar, tá ið tað kemur til kapping og útbúgving av venjarum og líknandi. Her á myndini niðanfyri eru tað Hestoy og Djurhuus sum greiða eitt sindur frá svimjiteknikki.