Vit vóru fýra gubbar sum hættu okkum undir 50 firvald á master-stevnuni í Vági, leygarkvøldið: Jón Bjarnason, Jon Hestoy, Heri Mortensen og so eg. Um eg skal siga tað sjálvur, so sær tað ikki heilt so spakuligt út sum tað var ! 🙂
Og forrestin – fyri at tryggja at hendan søguliga løtan varð varðveitt, so vóru báður døturnar í sving, Annika við nýggjasta fototólið í hasi videoini omanfyri, og Joan Kristina við tí eitt sindur eldri (men vatntætta) videokameranum her niðriundir.
Viðfestur er úrslitalisti og -fílur frá BankNordik-stevnuni í Vági í gjár og í dag, fyri allar svimjarar og so masters eisini. Úrslitið var at Havnar Svimjifelag vann mest, 18 gull, 12 silvur og 7 bronsu, meðan SuSvim vann næstmest og Ægir triðmest. Millum allar svimjararnar vóru tey trý sum vunnu flest heiðursmerki, Poula Ø. Mohr og Óli Mortensen úr Havnar Svimjifelag og Kristina Elin Thomsen úr Suðuroyar Svimjifelag, við 4 gull, 1 silvur og 1 bronsu í part. Millum masters vóru Heri Mortensen og Anita R. Nysted úr Suðuroyar Svimjifelag stóru heiðursmerkjaslúkarnir, við hvør sínum 3 gull í 3 kappingum.
Continue reading Úrslit frá SuSvim-stevnuni 17. og 18. mars 2012
Suðuroyar Svimjifelag skipar sum kunnugt fyri BankNordik-stevnu í Vági, fyri allar bólkar í dag og í morgin, og so ‘masters’ aftaná opnu bólkarnar í dag. Her er nakrar myndir frá í morgun, og eisini startlistin frá Bjarnasyni. Dýrdarveður.
Viðfest er innbjóðing til svimjistevnu hjá Suðuroyar Svimjifelag í Vági, stuðlað av BankNordik. Legg til merkis at kappingarnar 23 til og við 30 eru fyri ‘masters’, 25 ár og eldri. Jón Bjarnason heilsar at um fólk í masters-bólkinum vísa tí áhuga, so ber til at skipa fyri einari hugnaløtu leygarkvøldið við góðum mati, kostnaður umleið 200 krónur, men tá má hann hava eina ‘umleið’ tilmelding í seinasta lagi 13. mars.
Svimjikappingin BankNordik Open, sum skuldi verða í Vági leygardagin, er vegna verkfalshóttan avlýst. Lesið her á Suðuroyarportalinum hvussu verkfallshóttanin nú í vikuvís hevur ávirkað oynna, so at tiltøk sum hetta verða avlýst, eisini hóast einki verkfall er lýst enn.
Viðfest er innbjóðing til BankNordik Open í Vági nú leygardagin hin 28. januar 2012, fyri allar aldursbólkar. Kappast verður frá klokkan 10:30 leygarmorgunin við upphiting frá kl 09:30, sum merkir at tað burdi borið til at siglt suður við Smyrli klokkan 7. Gev gætur at kappast verður bara leygardag.
