Tíðindaskriv frá Grunninum Pálshøll
Tryggingarfelagið Føroyar og Eik Banki hava gjørt stuðulsavtalu við Grunnin Pálshøll um nýggja langhylin í Vági, og verða tískil millum stóru stuðlarnar til langhylin í Vági.
Continue reading Tryggingarfelagið Føroyar og EIK stuðla langhylinum
Tíðindaskriv frá www.svimjihollin.com
Nú er Føroya fyrsti langhylur reistur og Merkið veitrar inni á Oyrunum.
Seinastu sperrurnar eru lagdar á norður síðuni. Og tak-elementini eru longu løgd á suður síðuni.
Nú verður farið undir at leggja tak-element á norður síðuna og síðani verður tak lagt á.
Fleiri myndir eru á www.svimjihollin.com
Tíðindaskriv frá verkætlanarbólkinum
Fyrst í desember í 2012 byrjaði arbeiði at byggja Føroya fyrsta langhyl á Oyrunum í Vági. Men talan er um nógv meiri enn eina svimjihøll við 50 m. svimjihyli, tí svimjihøllin í Vági fevnir sera breitt, er eitt breitt fólksligt tilboð.
Continue reading Ein fólksligur svimjihylur tekur skap
Nú fáar daga undan setanini av OL í London er útgrevsturin av Føroya fyrsta langhyli liðugur. Óli Toftum tók myndina, sí svimjihollin.com
Frá verkætlanini Svimjihøllin á Oyrunum
Seinastu vikuna hava fyrireikararnir til Føroya fyrsta langhyl verið kunningarferð í Suðuroynni.
Vitjað var í øllum kommunum í oynni og framløgur vóru í Sumba, í Vági, í Porkeri, í Hovi, í Fámjin, á Tvøroyri og í Hvalba.
Áhugin fyri Føroya fyrsta langhyli er stórur og varð eisini tikið sera væl ímóti verkætlanarbólkinum á kunningarferðini í Suðuroynni.
Continue reading Væleydnað kunningarferð um Føroya fyrsta langhyl
Tíðindi frá 50m svimjihylinum í Vági
1. februar verður farið á rundferð í Suðuroynni at kunna um verkætlanina um fyrsta langhyl í Føroyum. Kunnandi fundir verða í Hvalba, á Tvøroyri, í Fámjin, í Hovi, í Porkeri, í Vági, í Lopra og í Sumba.
Hesa seinastu vikuna hava fólk knýtt at verkætlanini við 50 metra svimjihyli á Oyrunum í Vági kunnað um og savnað inn PÁL-LÁN, og sigast má at móttøkan hevur verið góð. Eini 50 nýggir PÁL-LÁNarar eru komnir hesar dagarnar, sum so afturfyri eitt lán á 9600 kr í Suðuroyar Sparikassa, at rinda aftur við 200 kr um mánaðin í 4 ár, fáa árskort til húskið, at brúka allar hentleikar í svimjihøllini ókeypis í 4 ár. Sí www.svimjihollin.com
Løgtingið samtykti sum væntað við endaligu 3. viðgerð mikudag 1. juni at stuðla verkætlanini Langhylur í Vági við 4 milliónum, 27 atkvøður fyri og 3 blankar.
Continue reading Løgtingið játtað 4 milliónir til langhyl í Vági
Rókur ynskti skamlar og eina rundferð í modellið. Ger so væl.
Model skitsan av langhylinum er gjørd eftir tekningum hjá Andriasi Jacobsen (byggifrøðingur) og Mayfinn Norðoy (arkitektur, Kontrast), og skal takast við størsta fyrivarni fyri feilum og manglum.
Trýst á Google Earth rútin og navigera við mús, píl-tastum og píl-knapparnar ovast til høgru í rútinum. Størri 3D rútur sæst her. Meira um verkætlanina er á svimjihollin.com.
