Tag: trygd

Minnist til trygdina, og serliga umsjón !

Tíðliga mánamorgunin ‘after pool hours’ var 22 ára gamli James Rigg funnin druknaður í svimjideplinum hjá Arizona State University, sambært líkskeranum deyður av ‘accidental drowning’, hóast hann var fyrrverandi úrvalssvimjari har og sambært venjarum sínum “a phenomenal underwater athlete”. Les SwimmingWorld Magazine.

Og síðsta hósdag forsvann 42-ára gamli svenski films-instruktørurin Daniel Lind Lagerlöf, eftir øllum at døma tí at hann datt á sjógv og bleiv sogin burtur av streyminum við Tanumshede. Hann hevur millum annað gjørt fleiri partar av krimirøðunum Beck og Wallander, og var nú á uppgávu har úti á klettunum, at gera research til eina nýggja krimi. Løgin søga annars afturat hesum, at tá ið løgreglan leitaði eftir honum, komu tey fram á kropslutir sum tey meta vera ein brotsgerð. Les t.d. Goteborg Daily.
Continue reading Minnist til trygdina, og serliga umsjón !

25.000 í bót fyri at Pernille doyði

Ringsted Svømmeklub fær nú 25.000 krónur í bót fyri hendingina tá ið 12-ára gamla Pernille Asmussen doyði, av at fáa eina vektmaskinu niður yvir seg sum ikki var forsvarliga fest. Løgreglan ætlar sær ikki at fara eftir einkultpersónum í sakini, og svimjifelagið hevur nú møguleika at góðtaka straffin, ella verða hálað í rættin. Ein syndarlig søga, eisini tí at starvsnevndin í svimjifelagnum faktiskt longu áðrenn hevði avgjørt at fáa maskinuna festa, uttan at tað tó var hent. Les t.d. jp.dk og eb.dk.

OL-svimjari á sjúkrahús eftir at verða undirgrivin í sandi

Ein 19 ára gamalur eysturríkskur svimjar hevði brúkt stóran part av sunnudegnum uppá at grava eitt 2.1 metrar djúpt og 1.8 metrar breitt hol í sandinum á Pompano Beach í Florida, tá ið holið fall saman og gróv hann undir upp til hálsin. Tað tók 60 bjargarum 2 tímar at fáa hann úr sandinum aftur, áðrenn hann kundi koyrast á sjúkrahúsið. Navnið er ókent, og eisini støðan hjá honum nú, men talan var sambært The Guardian um ein svimjara á OL-liðnum hjá Eysturríki, sum var á venjingarlegu í Florida.

Ringsted Svømmeklub fær rós fyri reaktiónina nú aftaná

Ricky Clausen hevur eina góða kronikk nú á www.simma.nu/dk, har hann listar upp hvussu leiðslan í Ringsted Svømmeklub hevur tacklað støðuna nú eftir at Pernille Asmussen doyði av at fáa eina styrkivenjingarmaskinu á seg. Longu beinanvegin fingu tey kreppuhjálp frá Falck til øll beinleiðis uppíblandaði, og dagin eftir til einhvønn annan í felagnum sum mátti hava tørv á tí. Stórasystir varð fingin heim av stevnu í Luxembourg, fólk hava staðið saman, og danska svimjisambandið og ítróttarsambandið hava eisini verið hollir stuðlar við Lars Sørensen, Morten Kjær og Willy Rasmussen. Alla æru vert, at tey yvirhøvur orka at stríðast, heldur enn bara at klappa saman.

Fekk venjingartorn yvir seg og doyði í Ringsted Svømmehal

Ein 12 ára gomul genta doyði í gjárkvøldið tá ið eitt 2 metrar høgt venjingartorn koppaði út yvir hana í Ringsted Svømmehal. Hon var har saman við svimjiliðnum hjá sær, vandi okkurt á gólvinum tá ið tornið koppaði við vektum og øllum niður yvir høvdið á henni. Ein 12 ára gamalur drongur kom eisini til skaða. Arbeiðseftirlitið og løgreglan kanna málið, at vita um tornið var rætt uppsett, og liðið fekk annars kreppuhjálp. Les jp.dk.

Genta sogin inn í vatnpumpu í svimjihyli í Albertslund

Tað stendur um lív hjá eini 11 ára gamlari gentu, sum av ókendum orsøkum slapp so nær vatnpumpuni til ein vatnrusjubana í Albertslund, at hon var sogin hálvt inn í pumpuna, undir vatnskorpuni. Har vóru einir 1000 fólk til staðar tá ið óhappið hendi, og tey fingu sjálvsagt øll bjóðað kreppuhjálp. Gentan liggur í respirator, og læknar hava staðfest at heilin er svollin eitt sindur. Les jp.dk, eb.dk og ing.dk