Tað gekk sum kunnugt illa hjá mær at fáa tilfar beinleiðis heim frá World Cup Stockholm, av tí at vit óvæntað bara høvdu ikki-flatskerms-sjónvarp á kamarinum, sum eg ikki fekk sett Mac Mini til, samstundis sum farteldan gekk fyri, og vit ikki høvdu internet í Eriksdalsbadet, so at eg heldur har kundi senda beinleiðis frá fartelefonini av. Totalt ‘Murphy’ yvir alla linjuna, har trumfurin líkasum var, tá ið bussurin sum koyrdi okkum á flogvøllin vísti seg at hava fínt internet 🙂
(video strikað)
Therese Alshammer úr Svøríki og Thiago Pereira úr Brasil gjørdust sum væntað tey bæði sum vunnu kappingina um at vinna flest sigrar á teimum 7 World Cup stevnunum tilsamans. Virðislønin var 100.000 amerikanskar dollarar í part, umframt eina rúgvu av pengum eisini fyri at vinna gull, silvur ella bronsu í einstaku kappingunum. Alshammar sigur við Expressen í dag, at hon fer at brúka tær tilsamans 875.000 svensku krónurnar sum hon vann tilsamans í ár, til at venja heldur enn at luttaka á World Cup í 2011.
Continue reading Alshammar og Pereira vunnu samlaðu World Cup kappingina
Hon sigur m.a. at venjingin í Avstralia var á so høgum støði, at World Cup’urin “…känns som en bakis” …also sum timburmenn dagen derpå.
Tíðindaskriv frá Svimjisambandi Føroya
Pál Joensen vann í dag silvur í 1500 frísvimjing á Fina/Arena Swimming World Cup stevnuni í Stokkhólmi. Tíðin hjá honum var 14:54.21, Pál var 10 sekund frammanfyri japanska Jumpei Higashi við tíðini 15:04.08. Vinnari gjørdist franski evropameistarin Sèbastien Rouault við tíðini 14:37.94. Henda tíð er besta tíð í heiminum í ár.
Teir báðir Pál fylgdust upp til 300 metrar, tá ið Sèbastien dróg frá Páli. Tað sást á Páli, at hann hesir seinastu 9 dagarnir hevur svomið 6 ferðir 400 metrar og 3 ferðir 1500 metrar. Tó so at ongantíð var ivi um silvurheiðursmerkið hjá Pál.
SVT.se spyr í samband við World Cup’in hyggjarar um hvør man fara at taka fyrsta heimsmetið á stuttbana eftir at superdraktirnar eru bannaðar. Í løtuni siga 67% at tað verður Theresa Alshammar, 19% “onkur annar”, 6% Camille Lacourt, 5% Roland Schoeman og 4% Jessica Hardy.
Continue reading Hvør tekur fyrsta heimsmetið uttan superdrakt?
Tíðindaskriv frá Svimjisambandi Føroya
Fyri okkara ungu svimjarar Biritu Debes úr Flot og Magnus Jákupsson úr Havnar Svimjifelag er Fina/Arena Swimming World Cup stevnan liðug á hesum sinnið. Tey hava bæði svomið tvær kappingar í morgun. Besta úrslitið, var føroyskt met til Biritu Debes í 50 firvaldasvimjing. Seinasta kappinga á hesum sinnið verður seinrapartin kl. 14:40 tá ið Pál skal svimja finalu í 1500 frísvimjing.
Her eru nakrar av teimum myndum sum eg til nú havi tikið á World Cup í Stokkhólmi. Her eru eisini videoir, sum tó krevja at eg komi heim til egna teldu, áðrenn eg hætti mær í holt við teimum.
Ein stutt heilsan her úr Stokkhólmi, nú vit sum fóru beinleiðis úr Føroyum eru komin hálvvegis, og hini sum fyrst fóru til Berlin og Moskva eru næstan á heimleið aftur. Dagurin í dag var kanska ikki 100% optimalur, men tó øgiliga góð kappingarvenjing, og lagið er gott. Haldi meg kunna siga, at tey veruliga herja á í morgin, nú tað byrjar at líða við World Cup.
Tíðindaskriv frá Svimjisambandi Føroya
Pál Joensen vann í dag bronsu í 400 metra frísvimjing á Fina/Arena Swimming World Cup stevnuni í Stokkhólmi. Tíðin hjá honum var 3:46.13.
Kappingin var hørð, og avgerðin var ikki greið fyrr enn á seinasta fimmtimetrinum. Tá ið svimjararnir vendu við 300 metrum bardist Pál við japanska Higashi um 4-5 plássið og tá teir vendu við 350 metrum er Pál á triðjaplássi, bara 5 hundraðpartar frammanfyri danska Anders Lie, ið tó endaði á fimtaplássinum.
Mynd: Pál, Biedermann og Agnel
Continue reading Bronsumerkið til Pál í Stokkhólmi
Paul Biedermann sigur m.a. at hann hevur mist ferð í vendingunum og í startinum, nú hann svimur uttan superdrakt. Og tað ljóðar á honum sum hann ikki væntar at kunna taka sítt heimsmet – also nakrantíð. Eisini er hann spentur uppá 200 frí í Stockholm, har hann metur at kappingin verður ógvuliga hørð.
