Super, tað sær út til at FINA hevur tikið seg ordiliga saman í ár, til at skipa fyri ‘live stream’ frá øllum World Cup stevnum í oktober og november á éinari “FINA TV” síðu, byrjandi við stevnuni í Dubai nú í vikuskiftinum. Sí eisini fina.org.
Tag: World Cup 2011
DR Sporten við Páli til Stockholm og Vágs
Nú er tað so offisielt váttað, at DR Sporten fer at fylgja við Páli til World Cup í Stokkhólmi, og síðani ferðast við føroyska landsliðnum aftur til Føroyar. Í Føroyum fara tey so at fylgja honum nakrar dagar í venjing í Vági, til at síggja hvussu hesin heilt serstaki OL-kandidatur venur. Fyrr ella seinni verður tað so til eina vangamynds-sending um Pál, har tey partvís greiða frá hansara lívi og venjing heima í Vági, og partvís fylgja honum á World Cup stevnuni í Stokkhólmi. Puha, man má nokk heldur til at finna sína fínu skjúrtu fram ! 🙂
Startlistin til World Cup í Stockholm er klárur
Ja so er startlistin til World Cup í Stokkhólmi at finna her á www.simforbundet.se. Vit síggja millum annað at Pál fer at fáa skarpan gang frá sjálvum Paul Biedermann í 400 frí, og at hann (Pál 🙂 er styrkismettur sum nr 1 í 1500 frí. Okkara yngru svimjarar eru at finna niðarlagari á listunum, miðskeiðis og eitt sindur longur aftarlaga í sínum kappingargreinum, men tó ongantíð aftast.
Continue reading Startlistin til World Cup í Stockholm er klárur
30 lond fara at luttaka á World Cup í Stokkhólmi
Nú freistin er um at fara fyri tilmelding til World Cup stevnuni í Stokkhólmi, eru tað sambært www.simforbundet.se heili 30 lond ‘úr øllum heimspørtum’ sum hava boðað frá luttøku, íroknað vertstjóðina sjálva og okkara 5 úr Føroyum.
Afganistan, Algeriet, Australien, Brasilien, England, Estland, Finland, Färöarna, Förenade Arabermiraten, Grekland, Irland, Japan, Kanada, Kina, Norge, Nya Zealand, Polen, Portugal, Ryssland, Schweiz, Serbien, Singapore, Spanien, Sverige, Sydafrika, Sydkorea, Tyskland, Ungern, USA, Österrike
World Cup 2011 skráin er klár
Heimasíðan www.simma.nu/se veit at siga at World Cup 2011 fer at verða í tveimum pørtum, fyrst eitt umfar í Evropa í oktober, og síðani eitt umfar í Asia í november.
- 15.-16. oktober, Stockholm (SWE)
- 18.-19. oktober, Moskva (RUS)
- 22.-23. oktober, Berlin (GER)
- 4.-5. november, Singapore (SIN)
- 8.-9. november, Beijing (CHN)
- 12.-13. november, Tokyo (JPN)