Tag: Yannick Agnel

Yannick Agnel 7:29.17 og evropamet í 800 frí

Uha, Yannick Agnel setti í morgun nýtt evropamet í 800 metra frísvimjing á stuttgeil, tá ið hann í innleiðandi riðlunum á fronsku meistarastevnuni svam teinin uppá 7:29.17, har evropametið hjá Federico Colbertaldo frá superdrakts-tíðini í 2009 var 7:31.18. Tað er bara Grant Hackett sum hevur svomið skjótari uttan superdrakt, 7:25.28 í 2001, meðan heimsmetið hjá Hackett er 7:23.42 frá kapping í Melbourne í 2008. Agnel hevur sjálvsagt kvalifiserað seg til finaluna í 800 metra frísvimjing, har í Angers, sí úrslitalistan her.

Yannick Agnel at the Berlin 2012 World Cup meet

Agnel droppar 400 frí á HM í Shanghai

Franski Yannick Agnel er raktur av onkrari ígerð í lungunum, sum noyðir hann at broyta luttøkuna á HM í Shanghai í summar. “Antibiotika, ein góð vika í seingini, og so eru vit aftur um 6 vikur”, verður venjarin Fabrice Pellerin endurgivin fyri at hava sagt í L’Équipe. Ætlanin nú er at luttaka í 200 frí og 4×200 frí, men ikki 400 frí og allahelst heldur ikki 4×100 frí, hóast hann í 400 frí hevur næstbestu tíð í heiminum í ár. Les speedendurance.blogspot.com

Biedermann fekk bara silvur í 400 frí

Týski Paul Biedermann hevði sett nøsina ímóti at fáa tvey gull í Budapest í 200 og 400 frí, har hann eigur heimsmetini. Men í dag tapti hann við 13/100 sek í 400 frí til unga fransmannin Yannick Agnel, ið longu er skýrdur til at vera ein komandi stjørna. Vinnaratíðin var 3.46.17. Heimsmetið er 3.40.07.

CIMG1355
Tað er Paul Biedermann til høgru

Her er eitt prátt á Youtube við Biedermann áðrenn missiónin hjá honum miseydnaðist.