Svimjing.com – Page 5

Testin eydnaðist OK

Eg royndi sum ætlað at ringja til Jón Bjarnason her beint áðrenn kappingarnar byrjaðu aftur í Vági, og fekk í samrøðuni her nakrar viðmerkingar frá honum um sjúku millum svimjarar og um metið hjá Tanju. Síðani hendi so tað, at ‘fat finger’ Rókur her ikki dugir nóg væl við Skype, og tí kom til at sløkkja fyri allari samrøðuni, og harvið eisini fyri iPadio stream, heldur enn at bara fáa Jón úr samrøðuni. Hartil høvdu LEN eftir øllum at døma flutt 1500 metra finaluna, so at tað var ov seint at kommentera hana, men í prinsippinum riggar tað altso 🙂

Svimjing.com testar stream av telefonsamrøðu í dag

Bartal og eg hava seinastu vikuna testað ymiskar loysnir til at fáa ‘streama’ telefonsamrøður, til at víðka um tænastuna her á www.svimjing.com. Vit fara tí í dag frá klokkan 15:45 at royna eina loysn alment á www.svimjing.com/live, har eg fyrst fari at royna at ringja til Jón Bjarnason í Vági, og vit síðani í felag fara at fylgja við og kommentera 1500 metra finaluna á EM í Eindhoven beinleiðis á www.svimjing.com/live.

Continue reading Svimjing.com testar stream av telefonsamrøðu í dag

Stuðli Páli við at stuðla okkum

Tað er nú kl 14:25 at Pál fer at svimja um gullið í Berlin, sum greiður favorittur í 1500 frí. KVF sendir beinleiðis; men tit kunnu hartil stuðla Páli Joensen og føroyskari svimjing yvirhøvur, við at tendra eina teldu og fara á www.svimjing.com/live. Her telur nevniliga hvør vitjan, til at vit kunnu vísa á áhugan fyri svimjing.

Svimjing.com fingið Twitter shoutbox

OK, so royna vit aftur við onkrum svimjing-status-tingi. Havi sett ein kassa inn her í høgra síðubjálka, sum vísir øll boð á Twitter við frámerki #svimjing. Tað vil siga, at um onkur skrivar okkurt á Twitter við teksti “#svimjing” í boðunum, so sæst tað automatiskt her á www.svimjing.com. So fáa vit at síggja hvussu tað fer at spæla av 🙂

Tankin er, at fólk so lætt sum gjørligt skulu kunna senda boð til dømis frá fartelefonum av, til lesararnar her á www.svimjing.com. Til dømis á ferð gjøgnum Evropa, ella frá kantinum í onkrari svimjihøll. Tíverri eru flestu føroyingar á Facebook heldur enn Twitter, og funkan tí ikki heilt so uppløgd sum um hon var gjørd við hjálp av Facebook. Men soleiðis er tað nú einaferð … kanska eg ein dag finni eina líknandi loysn sum brúkar Facebook, ella kanska enn betur eina loysn sum er felags fyri báðar skipanir.
Continue reading Svimjing.com fingið Twitter shoutbox

Lesarar av svimjing.com eru allastaðni

Bartal hevur snøggað um hetta heimskortið av hagtalsforriti okkara Google Analytics, sum vísir hvaðani fólk vitja hesa heimasíðuna. Vit eru eitt sindur veik í Afrika enn, men gleðast um okkara éina gest úr Benin 🙂

Roynd við Facebook boðum á svimjing.com

UPDATE: Testað, riggaði ikki sum ætlað, og er tí tikið av aftur heimasíðuni. Grundleggjandi trupulleikin var at nýggi kassin bara vísti tað sum umsitarin av Facebook-síðuni skrivaði, og ikki tað sum onnur løgdu afturat. Tey umhugsa at víðka funkuna, so vit bíða bara 🙂
Continue reading Roynd við Facebook boðum á svimjing.com

So er svimjing.com 3 ár

A ja, tað var longu mánadagin, og sjálvsagt gloymdi eg tað burtur. Men hendan heimasíðan er altso trý ár nú, síðani vit byrjaðu fyrst í mars í 2007 við upphiting til Oyggjaleikir á Rhodos. Síðani tá er sum kunnugt nógv hent, bæði í føroyskari og altjóða svimjing, og tølini tala tí eisini sína søgu: