Alvi Hjelm megnaði fyri løtu síðani at vinna sær silvur í 800 metra frísvimjing á Vestdanske KortbaneMesterskaber 2014, tá ið hann í skjótasta riðli í Hjørring svam teinin uppá 8:18.61, aftanfyri Nicolas Blanch úr Aalborg sum svam 8:13.19, men frammanfyri Frederik Jessen úr Thisted sum svam 8:22.29.
Continue reading Alvi 8:18.61 og silvur í 800 frí á VKM 2014
Um vit hyggja at hægstu FINA stigum á FøroyaMeistarastevnuni 2014, so eru tað serliga teir tríggir langteinararnir sum gjørdu vart við seg: Pál Joensen (1990) úr SuSvim, Óli Mortensen (1996) úr Havnar Svimjifelag og Alvi Hjelm (1996) úr Ægir.
(Alvi, Pál og Óli aftaná ein av longru teinunum á FM 2014)
Continue reading Pál, Óli og Alvi dominera listan yvir bestu avrik á FM 2014
Her er eitt innslag úr ítróttarsendingini 3-2 hjá Kringvarpi Føroya hin 18. november 2013, har tey tosa við Pál Joensen og avstralska venjara hansara Shannon Rollason, um útlitini nú upp undir EM á stuttgeil í Herning hin 12. til. 15. desember 2013. Verturin tosar eisini um úrslitini hjá Páli og Alva og Magnusi á DM á stuttgeil 14. – 17. november 2013, og um tað at Magnus fer at umboða Danmark á EM í Herning.
Teir báðir Pál Joensen og Alvi Hjelm royndu seg fyri løtu síðuni í 1500 metra frísvimjing, á donsku meistarastevnuni í Gladsaxe, og gekk tað bara heilt væl. Pál lá leingi og førdi, faktiskt allan vegin upp til gott og væl 1300 metrar, tá ið hann var 2 sekund frammanfyri næstskjótasta Mads Glæsner. Men so gjørdi Glæsner eitt ordans vørr, so at hann tók 1 sekund per 100 metrar, og akkurát vann á Páli við 14:41.10 ímóti 14:41.17. Sí úrslitalistan her
(Pál og Alvi á DMK 2013. Jákup Jacobsen eigur myndina)
Alvi Hjelm bleiv í sama riðli nummar fýra, við óføru tíðuni 15:37.82, sum merkir av hann vegna sín unga aldur bleiv danskur meistari í eisini hesi greinini, afturat sínum juniormeistaraheiti í gjár í 800 frí. Sí úrslitalistan fyri juniorar her.
Føroyingar tóku tað heila, nú finalan var í 800 metra frísvimjing á donsku meistarastevnuni á stuttgeil, sum danska svimjisambandið skipar fyri í Gladsaxe á Sælandi. Pál Joensen vann nevniliga yvirbevísandi í fínu tíðini 7:44.49, og Alvi Hjelm tók líka yvirbevísandi silvurið og samstundis danska juniormeistaraheitið, við 8:08.37. Fyrsti dani var Laust Moesgaard úr Herning, sum svam teinin uppá 8:12.64. Besta tíð hjá Páli er hansara norðurlendska met á 7:36.24 frá landsdystinum ímóti USA í Atlanta í 2011, meðan besta tíð hjá Alva áðrenn hetta var hansara 8:20.33 frá donsku liðkappingini í apríl 2013. Sí úrslitalistan í seniorkappingini nú á DM her, og tann í juniorkappingini her.
Felagið í Esbjerg hevur filmað og lagt hetta út
Alvi Hjelm megnaði í dag at vinna sær greitt gullheiðursmerki á Vestdanske Kortbanemesterskaber, tá ið hann í 1500 metra frísvimjing svam teinin uppá 15:53.14, har hin næstskjótasti svam 16:08.24 og triðskjótasti 16:09.65. Hetta var sikkurt eisini gull eisini í juniorbólkinum, við tað at Alvi hevur aldur til tess, og tey vist nokk geva heiðursmerki eisini til juniorar. Besta tíð hjá Alva er annars 15:35.56, frá NJM í Vaasa í fjør.
Guðrun Mortensen megnaði í B-finaluni í 100 frí at svimja teinin uppá 59.95, sum var næstbesta tíð í B-finaluni, og sjeyndbesta um man hyggur at tíðunum í A-finaluni eisini. Í innleiðandi hevði hon 11. bestu tíð 1:00.48, har 8 sloppu í A-finaluna. Besta tíð hjá Guðruna er 57.62, frá FM í vár.
Frans Johannesen hevði aftur í dag úr at gera, við at heinta heiðurmerki til barndómsfelag sítt Esbjerg. Fyrst var hann við til at vinna gull í 4×50 frí, saman við stórabeiggja sínum Sørin Martin, og síðani vann hann silvur í 100 frí, silvur í 200 bringu, og at enda eisini silvur í 4×100 blandað.
Guðrun Mortensen vann í kvøld bronsuheiðursmerki fyri eftirskúla sín Berns, tá ið hon á vestdonsku meistarastevnuni í Århus svam teinin uppá 27.21, har Julie Levisen úr Aalborg svam 25.78 og Line H. Vestergaard úr Silkeborg 27.03. Guðrun eigur sjálv føroyska metið, sum er 26.04 frá tá ið hon vann gull á NJM í Íslandi í 2011. Alvi Hjelm svam seg við tíðini 1:07.46 til eitt 17. pláss í 100 metra ryggsvimjing, meðan føroyski danin Frans Johannesen svam seg til silvur í bæði 50 og 200 frí, við tíðunum 23.60 og 1:50.61, umframt at hann vann silvur sum partur av 4×50 blandað stafettini hjá Esbjerg.
Tey á Bernstorffsminde Efterskole gjørdu annars hesa skemtiligu video herfyri, sum aftursvar til eina aðra stuttliga video har Jeanette Ottesen varð (óoffisiellur) evropameistari í ‘turrsvimjing’, við nýggjum heimsmeti. Tey á Berns kalla avrikið hjá Guðruna fyri tangering av heimsmetinum hjá Jeanette.
Her er videoin við Ottesen
Alvi Hjelm megnaði í kvøld at vinna sær bronsuheiðursmerki á Vestdanske Kortbanemesterskaber í Århus, tá ið hann í 400 metra frísvimjing svam teinin uppá 4:01.37, har besta tíð hjá honum er 3:58.52. Føroyski Frans Johannesen vann gull í somu grein, við tíðini 3:58.93, og í millum teir báðar Alva var so Anton Bromer sum svam 3:59.61. Alvi og Frans vunnu eisini bronsu í 4×200 metra frí, har teirra lið Esbjerg svam 7:43.57 aftanfyri Aalborg 1 á 7:26.28 og AGF 1 á 7:42.06, har Alvi sum fyrsti maður í stafettini svam 1:56.15, í mun til sína bestu tíð í 200 frí á 1:54.00. Í 50 frí svam Guðrun Mortensen seg víðari til finalu, við triðbestu tíð 26.96 aftanfyri Julie Levisen úr Aalborg á 25.94 og Line H. Vestergaard úr Silkeborg á 26.88.
Vit frætta úr Klaksvík at Ægir-svimjarin Alvi Hjelm er farin til Danmarkar í dag, at venja við Esbjerg Svømmeklub og síðani kappast á Vestdanske Kortbanemesterskaber sum verður í Aarhus Svømmestadion næsta vikuskifti.
Teir báðir Óli Mortensen úr Havnar Svimjifelag og Alvi Hjelm úr Ægir luttóku í morgun í 800 metra frísvimjing á evropeisku meistarastevnuni fyri ung, sum er í Poznan í Pólandi. Óli megnaði at seta nýtt føroyskt juniormet við tíðini 8:25.69, har hansara besta tíð til og juniormetið var 8:30.32 frá íslendsku meistarastevnuni í apríl 2013. Alvi svam teinin uppá 8:36.35, har hansara besta tíð er 8:34.96 frá Danish Open í mars mánaða. Sí úrslitalistan her.
Føroyingarnir eru nú lidnir við at svimja fyri í dag, eftir er bara morgindagurin har Eyðbjørn skal royna seg í 50 frí, og at enda teir fýra í 4×100 blandað.
